Primeiro ministro de Arabia Saudita

Salmán I, actual primeiro ministro de Arabia Saudita.

O Primeiro ministro de Arabia Saudita é o xefe do Consello de Ministros e xefe de goberno do Reino de Arabia Saudita. Dende o reinado do Rei Faysal, o posto de primeiro ministro ocúpao o rei.

Historia

O cargo foi creado xunto co Consello de Ministros o 9 de outubro de 1953, por decreto do Rei Saud. Debido ao malestar dentro da familia real sobre o seu reinado, Saud foi forzado a nomear como primeiro ministro ao seu medio irmán, o príncipe herdeiro Faysal. Unha loita de poder entre o dous levou a Faysal a dimitir en 1960, permitindo así que Saud reclamase as rendas do goberno, mais o descontento xeneralizado fixo que Faysal regresase como primeiro ministro en 1962. Despois de depoñer a Saud en 1964, Faysal sucedeuno como rei, mantendo tamén o posto de primeiro ministro. Dende entón os dous cargos están fusionados. Con todo, dende o reinado do Rei Khalid, outras persoas realizaron gran parte do "traballo pesado" porque o rei ou ben non quería ou non podía levar a carga do traballo, especialmente dende que o reino se converteu nunha xerontocracia durante as décadas dos 90 e 2000. Algúns validos chegaron a ter suficiente poder como para ser considerados primeiros ministros de facto. O actual é o fillo do rei, Mohamed, que é prinicpal asesor de seu pai.

Lista de Primeiros ministros de iure de Arabia Saudita

• Rei Saud: do 9 de outubro de 1953 ao 16 de agosto de 1954 (1ª vez)
• Príncipe herdeiro Faysal: do 16 de agosto de 1954 ao 21 de decembro de 1960 (1ª vez)
• Rei Saud: do 21 de decembro de 1960 ao 31 de outubro de 1962 (2ª vez)
• Príncipe herdeiro Faysal: do 31 de outubro de 1962 ao 2 de novembro de 1964 (2ª vez)

Dende o golpe de Estado, os cargos de rei e primeiro ministro foron ocupados sempre pola mesma persoa.

• Rei Faysal: do 2 de novembro de 1964 ao 25 de marzo de 1975 (3ª vez)
• Rei Khalid: do 29 de marzo de 1975 ao 13 de xuño de 1982
• Rei Fahd: do 13 de xuño de 1982 ao 1 de agosto de 2005
• Rei Abdullah: do 1 de agosto de 2005 ao 23 de xaneiro de 2015
• Rei Salman: do 23 de xaneiro de 2015 ao presente

Lista de Primeiros ministros de facto de Arabia Saudita

• Príncipe herdeiro Fahd: de 1975 a 1982, vice-primeiro ministro e asesor xefe do Rei Khalid.
• Príncipe herdeiro Abdalá: do 21 de febreiro de 1996 ao 1 de agosto de 2005, rexente do Rei Fahd.
• Mohamed bin Abdalá Al-Nuweisir, de 1996 ao 2005, xefe do Tribunal Real e xefe de persoal do rexente/rei Abdalá
• Khaled al-Tuwaijri: do 9 de outubro de 2005 ao 23 de xaneiro de 2015, xefe de persoal/secretario privado e eminencia gris co título de Presidente do Tribunal Real
• Príncipe Mohamed bin Salman, do 23 de xaneiro de 2015 ao presente, Xefe do Tribunal Real, xefe do Consello de Economía e Asuntos para o Desenvolvemento e Ministro de Defensa do Rei Salman

Véxase tamén

Outros artigos

• Lista de reis de Arabia Saudita