Primeira Cámara dos Estados Xerais (Países Baixos)

Primeira Cámara dos Estados Xerais
O Senado dos Países Baixos nunha sesión plenaria
Tipo	cámara alta e Hoge Colleges van Staat
Data de fundación	1815
Presidente/a	Jan Anthonie Bruijn (pt) (2019-)
Sede	Binnenhof
País	Países Baixos
52°04′49″N 4°18′43″L
Na rede
https://www.eerstekamer.nl/
[ editar datos en Wikidata ]

A Primeira Cámara dos Estados Xerais (en neerlandés: Eerste Kamer der Staten Generaal) constitúe a cámara alta do parlamento neerlandés. Tamén é coñecido co nome de Senado A súa sede está no complexo de edificios históricos do Binnenhof, na Haia, que alberga a outras institucións políticas do país.

Composición

Está integrada por 75 senadores que representan ás provincias dos Países Baixos e aos territorios do Reino no Caribe. Cada unha das doce provincias conta con candaseu consello provincial (Proviciale Staten) que actúa como asemblea lexislativa dese territorio. Estes son renovados cada catro anos por sufraxio universal e nos tres meses posteriores a súa elección deben proceder a escoller aos membros que os representarán na cámara alta dos Estados Xerais. Ademais, dende 2017, os tres territorios do Caribe (Aruba, Curaçao e Sint Maarten) que forman parte do Reino dos Países Baixos, tamén envían aos seus representantes.

A diferenza dos membros da Segunda Cámara, os membros da Primeira Cámara non teñen dedicación exclusiva e a Primeira Cámara só sesiona un día por semana.

Mapa do Reino dos Países Baixos cuxos territorios teñen representación na Primeira Cámara dos Estados Xerais

Funcións

O seu rol é o de representar os intereses da cidadanía orientando a tal fin a política, controlar a acción do Goberno e lexislar. Con todo, as súas atribucións son máis limitadas que ás reservadas á Segunda Cámara, aínda que ten un papel fundamental no proceso lexislativo dos Países Baixos.

Unha das principais diferenzas entre ambas cámaras é que a Primeira Cámara non pode introducir emendas aos proxectos de lei presentados polo executivo. Dado que a Primeira Cámara só pode votar a favor ou en contra da totalidade do proxecto. É por iso, que, ás veces, unha maioría dos senadores remiten nunha comunicación oficial cunha posición para que o ministerio que promove a lexislativo valore algunha modificación antes da presentación no Senado. Nesa carta, os membros da Primeira Cámara propoñen algún cambio á considerar para gañar o voto favorable da cámara. Se o goberno acepta á introdución dese troco, o proxecto de lei chámase "proxecto emendado" e tamén debe contar coa aprobación da Segunda Cámara.

No control do goberno, os membros da Primeira Cámara poden interpelar aos ministros e secretarios de Estado e tamén poden censurar a súa tarefa. De feito, dado que os membros do executivo son responsables ante o parlamento, se a Primeira Cámara (ou a Segunda) emitise un voto de non confianza nun ministro, este debe dimitir.

Véxase tamén

Outros artigos

• Estados Xerais dos Países Baixos
• Segunda Cámara dos Estados Xerais

Ligazóns externas

• Páxina web oficial da Primeira Cámara dos Estados Xerais (en neerlandés)