Presidente de Israel

Presidente de Israel
	Instancia de cargo público
	Subclase de presidente
	Nome orixinal נשיא מדינת ישראל (he)
	Lista do elemento lista de presidentes de Israel (pt)
Implicados
	Titular Isaac Herzog (7 de xullo de 2021 - )
	Nomeado por Knesset
Datas
	Fundación / creación 16 de febreiro de 1949
	Duración do mandato 7 a (1948 - )
Localización
	Xurisdición Israel
	País Israel
	Residencia oficial Beit HaNassi (pt)
	Coordenadas 31°46′11″N 35°12′51″L / 31.769722222222, 35.214166666667
Fontes e ligazóns
	Páxina WEB president.gov.il
	Wikidata C:Commons

Este artigo amosa escritos hebraicos. Sen o soporte axeitado, o texto pode mostrar símbolos sen sentido, coma caixas, marcas e outros.

O presidente de Israel (en hebreo, נְשִׂיא הַמְּדִינָה, Nesí Hamediná) é o xefe de Estado de Israel. Como adoita ser habitual nas repúblicas parlamentarias, o cargo ten función protocolaria,^[1] quedando o poder executivo en mans do primeiro ministro. O Parlamento ou Knesset elixe ao presidente por maioría simple para un único período de sete anos.

No ano 2007 Dalia Itzik ocupou o cargo de forma interina substituíndo a Moshe Katsav, que dimitiu.

Presidentes do Estado de Israel

#		Desde	Ata	Partido político
1	Chaim Weizmann	17 de maio de 1948	9 de novembro de 1952	Sionistas Xerais
2	Itzhak Ben-Zvi	8 de decembro de 1952	23 de abril de 1963	Mapai
3	Zalman Shazar	21 de maio de 1963	24 de maio de 1973	Mapai
4	Efraim Katzir	24 de maio de 1973	19 de abril de 1978	Laborista
5	Yitzhak Navon	19 de abril de 1978	5 de maio de 1983	Mapai
6	Chaim Herzog	5 de maio de 1983	13 de maio de 1993	Laborista
7	Ezer Weizman	13 de maio de 1993	13 de xullo de 2000	Laborista
8	Moshe Katsav	1 de agosto de 2000	1 de xullo de 2007	Likud
9	Shimon Peres	15 de xullo de 2007	24 de xullo de 2014	Kadima
10	Reuven Rivlin	24 de xullo de 2014	9 de xullo de 2021	Likud
11	Isaac Herzog	9 de xullo de 2021	no cargo	Likud

Todos os presidentes de Israel que accederon ao cargo desde a política, desde Jaim Weizmann até o seu sobriño Ezer Weizman, foron membros ou estiveron conectados co Partido Laborista Israelí. Moshé Katsav, foi o primeiro membro do Likud que accedeu á presidencia do Estado de Israel. Shimon Peres, foi membro do partido laborista e pertenceu ao partido Kadima.

Funcións

O presidente do Estado de Israel mantén o antigo título de xefe do Sanedrín, é dicir, a entidade xudicial suprema do pobo xudeu na Terra de Israel durante os tempos antigos.^[1]

Case todas as funcións da presidencia son protocolarias e formais.^[1] É función do presidente chamar a un membro da Knesset (Parlamento) para que inicie o proceso de formación dun novo goberno tras as eleccións, ou ben pola renuncia do goberno anterior. Tamén é a súa función aceptar as credenciais dos embaixadores estranxeiros, asinar tratados e leis aprobadas pola Knesset. Tamén é tarefa do presidente o nomeamento de xuíces, do gobernador do Banco de Israel e dos xefes de misións diplomáticas no estranxeiro, todo iso de acordo coas recomendacións do organismo correspondentes.

O presidente do Estado de Israel, asesorado polo ministro de Xustiza, ten capacidade para conceder indultos a presos e conmutar penas.

Notas

1 2 3 The Presidency in Israel Arquivado 08 de febreiro de 2018 en Wayback Machine. President of Israel

Véxase tamén

Outros artigos

Primeiro ministro de Israel

Ligazóns externas

Sitio oficial do Presidente de Israel

[fun-1] 1 2 3 The Presidency in Israel Arquivado 08 de febreiro de 2018 en Wayback Machine. President of Israel

[1]