Premios de Publicidade en Galego

Os Premios de Publicidade en galego premian a publicidade feita en lingua galega.

Traxectoria

Púxoos en marcha o Consello Asesor da Radio Televisión Española en Galicia en 1993 e posteriormente pasaron a ser convocados conxuntamente pola Xunta de Galicia, o Parlamento de Galicia e o Foro Peinador. En 2018 chegaron á súa XXV edición. En 2019 estabeleceron 5 categorías segundo o medio de difusión (radio, televisión, Internet, prensa escrita e un extraordinario para proxectos elaborados polo alumnado de centros educativos) e dúas modalidades na que recoñecen tanto a empresa anunciante como a axencia de publicidade.

Os premios consistirán na entrega dunha certificación e mais dunha obra artística.

Premios

Edición	Prensa	Radio	Televisión	Internet	Centros Educativos
2013		O son da nosa fala, desenvolvido por Radio Lugo.	Maxia verde, desenvolvido por Imaxe para Aceites Abril.	Faite amigo da Catedral presentado por Arraianos para a Fundación Catedral de Santiago de Compostela.	-
2015		Campaña Hai cousas que canto menos cambien mellor, elaborada e presentada pola axencia BAP&Conde por encargo de Larsa.	Anuncio O noso é o noso, elaborado pola axencia Imaxe e presentado pola TVG por encargo de Estrella Galicia.	Web de Galeguesas, a diferencia, elaborada e presentada pola axencia Arraianos Multimedia por encargo de Galeguesa.	-
2016		Fogar de Estrella de Galicia elaborado por Idea, Creatividad y Comunicación por encargo de Estrella de Galicia.	En confianza elaborado por BAP&Conde por encargo de Gadis.	Fai historia con nós elaborado pola axencia Nasas por encargo da Universidade de Vigo.
2017	Deserto	Anuncio Medo a quedar sen datos, da axencia Bap&Conde, por encargo de R Cable e Telecomunicacións Galicia, SA.	Anuncio Imposible sen ti, da axencia Tex 45 Producións SLU por encargo de Abanca Corporación Bancaria, SA	Anuncio A túa compra, os teus temazos, da axencia Nasas, axencia creativa de mercadotecnia en liña, elaborado por encargo de Gadisa Retail, SLU.
2018		Campañas de dinamización comercial 2017 da axencia Fancylooks por encargo da Asociación Compostela Monumental.	Anuncio da Tarxeta PassVigo, da axencia Ecovigo Publicidad, S.L. por encargo de Viguesa de Transportes
2019	Martín Códax, Fillo do Atlántico, da empresa Martín Códax e a axencia &Rosás	Benvidos novos Larseiros!, da empresa Larsa e a axencia BAP Conde	Martín Códax, Fillo do Atlántico, da empresa Martín Códax e a axencia &Rosás	Queixos Hoxe, da Cooperativa HOXE e a axencia Pío García Audiovisuais, S.L.	Stop_Bullyng, do IES Leixa de Ferrol (A Coruña)
2020