O Premio Xesús Taboada Chivite, tamén denominado Premio de Investigación Xesús Taboada Chivite, é un galardón convocado pola Mancomunidade de Concellos da Comarca de Verín para distinguir traballos inéditos de investigación científica nos eidos da arqueoloxía, a antropoloxía e a historia. O premio foi creado en 2008 como homenaxe ao historiador, arqueólogo e etnógrafo Xesús Taboada Chivite.[1]
O galardón está dotado cun premio económico e contempla a publicación da obra gañadora por parte da entidade organizadora.[1]
O premio foi instituído en 2008 coincidindo co centenario do nacemento de Xesús Taboada Chivite, co obxectivo de promover a investigación histórica e antropolóxica sobre Galicia e o norte de Portugal, así como de difundir a figura do investigador verinés.[2]
Tras a primeira convocatoria, o certame permaneceu sen convocarse durante máis dunha década. En 2019, a Mancomunidade recuperou o premio, coa colaboración da Universidade de Vigo, cuxo profesorado participou na revisión das bases, na composición do xurado e na avaliación dos traballos presentados.[1]
2008: Paula Godinho, pola obra Oír o galo cantar dúas veces. Identificacións locais, culturas das marxes e construción de nacións na fronteira entre Portugal e Galicia.[3]
2019: Rubén Castro Redondo, pola obra A medida da terra na Galicia do Antigo Réxime: o problema dos ferrados (publicada posteriormente co título De señores, señoríos y medidas del país. Cartografía metrológica de la Galicia moderna).[4][5]
