Prehistoria da China

Na Galipedia, a Wikipedia en galego.
O home de Lantian

O territorio que actualmente ocupa a República Popular China estivo poboado dende hai miles de anos. Atopáronse restos de homínidos que constitúen os antepasados máis remotos do hombre eos inicios da historia China. De feito, para moitos expertos cada vez está máis claro que este puido ser un dos escenarios, xunto con África, onde xurdiu a civilización humana. Así o demostran os restos atopados pertencentes ao home de Renzidong, de hai máis de dous millóns de anos; o home de Yuanmou de hi un millón setecentos mil anos; o home de Nihewan de hai un millón cincocentos mil anos; o home de Lantian de hai uns seiscentos mil anos; o home de Nanjing de hai medio millón de anos ou o Homo erectus pekinensis, o máis coñecido de todos eles, xa que cando se descubriu en 1929 identificouse como o "elo perdido" da evolución humana.

Posteriormente xurdirían outras culturas, como o home de Dali, que viviu en Yunnan hai entre 230.000 e 180.000 anos; o home de Maba en Cantón; o home de Fujian de hai uns 200.000 anos ou o home de Dingcun, na provincia de Shanxi, de hai uns 100.000 anos.

Cultura de Longshan.

O Homo sapiens fai a súa aparición hai uns 40.000 anos. EO hombre da caverna superior, atopado en Zhoukoudian, viviu fai 18.000 anos e revela un grao de evolución de maior complexidade respecto a outras culturas do sur do país. Hai uns 10.000 anos comézase a cultivar arroz no río Yangzi e pouco despois millo na provincia de Henan.

No VIII milenio a. C. as culturas da zona do val do río Amarelo fixéronse sedentarias. Un milenio despois comezaría a domesticación de animais. É o comezo do que actualmente coñecemos coma civilización china, os primeiros vestixios da civilización han que acabaría asimilando en maior o menor medida as outras culturas xurdidas sur e oeste do país.

Entre o VII milenio a. C. e VI milenio a. C. xorden as primeiras civilizacións neolíticas, Peilikan e Cishan, precursoras da cultura de Yangshao, que se estendería polas actuais provincias de Gansu e Shaanxi, entre o V milenio a. C. e o III milenio a. C. Foi a primeira en abarcar unha grande área. Son característicos os seus obxectos en cerámica pintada, con inscricións que poderían ser o comezo dos caracteres chinos de escritura. Unha cultura semellante é a de majiayao, desenvolta en Gansu e Qinghai.