Praia do Forte, Mata de São João

Na Galipedia, a Wikipedia en galego.
Saltar ata a navegación Saltar á procura
A praza principal coa igrexa e a praia.
Tartaruga do Proxecto Tamar.
Preparación de fariña de mandioca no centro de Praia do Forte.

A Praia do Forte é unha praia brasileira situada no distrito homónimo, no municipio baiano de Mata de São João, a cerca de 50 km de Salvador, chégase até alí pola chamada estrada do Coco, moi turística, sendo un dos destinos máis procurados do litoral norte de Baía.

É un conxunto de máis de 12 km de praias, con varias piscinas naturais formadas por arrecifes ao longo da costa. Os cocos son a vexetación predominante nesta rexión. Unha das principais atraccións do lugar é visitar a sede do Proxecto Tamar, organización dedicada á preservación e estudo das tartarugas mariñas.

A pequena vila está formada basicamente por nativos locais, pescadores, artesáns e pequenos emprendedores de varias rexións do Brasil e do exterior, que veñen desenvolvendo o comercio e os servizos locais, como poden ser bares e restaurantes que ofrecen diversas opcións, principalmente a base de produtos do mar. A rúa principal foi recentemente urbanizada.

Un dos atractivos culturais son as ruínas do único castelo medieval construído no país, o da familia Garcia d'Ávila, Casa da Torre. O patriarca do clan, Garcia D'Ávila, foi almoxarife do primeiro gobernador-xeral do Brasil, Tomé de Sousa, que desembarcou na baía en 1549 para fundar a cidade de Salvador. Ao longo dos primeiros anos da colonización, D'Ávila conseguiu acumular unha fortuna inmensa, principalmente en terreos. Chegou a controlar o que foi considerado o maior latifundio do mundo: as súas terras estendíanse da baía ao Maranhão. Na sede do latifundio, construíu o castelo da Praia do Forte. As ruínas están localizadas a uns dous quilómetros da vila da Praia do Forte. Outro atractivo do lugar é coñecer a Reserva Ecolóxica de Sapiranga.

A vila ten como principal opción de hospedaxe o Praia do Forte Ecoresort, de moito renome.

Véxase tamén[editar | editar a fonte]

Ligazóns externas[editar | editar a fonte]