Poruchik Kizhe (filme)

Poruchik Kizhe
Póster do filme.
Ficha técnica
Título orixinal	Поручик Киже
Director	Aleksandr Faintsimmer
Guión	Yury Tynyanov
Intérpretes	Mikhail Yanshin
Música	Sergei Prokofev
Fotografía	Arkadi Koltsaty
Estudio	Belgoskino
Estrea	9 de decembro de 1934
Duración	87 minutos
Orixe	Unión Soviética
Xénero	Comedia
Na rede

Poruchik Kizhe (en ruso: Поручик Киже) é un filme soviético de comedia dirixido por Aleksandr Faintsimmer e promocionado por Boris Gusman. Baséase na novela Poruchik Kizhe de Yury Tynyanov, publicada en 1928. Sergei Prokofev compuxo a banda sonora.

Sinopse

A historia transcorre en San Petersburgo en 1800, o filme satiriza as extravagancias baixo o reinado de Paulo I. A súa obsesión co adestramento ríxido, obediencia sen chistar e a rigorosa disciplina esténdese non só ós seus soldados senón tamén ós seus cortesáns e mesmo ós criados que lustran os andadeiros de palacio. Un erro de copia dun escriba do exército mentres redactaba unha lista de xenerais para ascender leva á creación dun tenente Kizhe. Os cortesáns teñen medo de contradicir o tsar e a solución pasa por crear ese personaxe ficticio. Unha vez o documento está asinado polo Emperador, Kizhe adquire unha vida propia a través dunha serie de enguedellos e confabulacións de palacio. Os berros do axudante de cámara do Emperador cando se encontraba mantendo relacións cunha dama de compañía espertan a Paulo I. O tenente inexistente Kizhe é culpado, azoutado diante da Garda Imperial en formación e enviado como castigo a escoltar unha fortaleza en Siberia. Liberado polo Emperador, Kizhe regresa a San Petersburgo e é promovido a coronel e logo a xeneral. Na súa ausencia, casa coa Princesa Gagarina. Finalmente, cando o Emperador insiste nunha reunión co seu "criado máis fiel", o xeneral Kizhe dáse por morto. Recibe un funeral estatal cun ataúde baleiro.

Nun xiro irónico, o Emperador é enganado e fáiselle crer que o seu servente favorito era un malversador tras ler unha nota atopado que dicía «Kizhe gastou o cartos en comidas» (intencionadamente deixada polo asesor do Emperador). Paulo I, anoxado, lembra que foi Kizhe quen orixinalmente perturbou o seu sono. O "defunto" é rebaixado ó rango de soldado raso e o asesor do Emperador é entón promovido ó rango de xeneral, casando coa Princesa Gagarina tras deter o funeral do seu desgraciado marido.

Personaxes

• Mikhail Yanshin como Paulo I
• Boris Gorin-Goryainov como Conde von Pahlen
• Nina Shaternikova como Princesa Gagarina
• Sofiya Magarill como acompañante da Princesa Gagarina
• Erast Garin como axudante Koblukov
• Mikhail Rostovtsev como comandante da fortaleza
• Leonid Kmit como escriba do exército (sen acreditar)
• Andrei Kostrichkin como Tenente Sinyukhaev (sen acreditar)

Véxase tamén

Ligazóns externas

• Poruchik Kizhe na IMDb (en inglés).