Ponte de Brooklyn

Ponte de Brooklyn
Manhattan e Brooklyn
Instancia de ponte colgante ponte de estrada ponte ferroviaria ponte de aceiro ponte tirante ponte multinivel atracción turística
Epónimo Brooklyn
Estilo arquitectura neogótica
Material usado aceiro pedra
Persoas e organizacións
Mantido por New York City Department of Transportation (en)
Arquitecto/a John Augustus Roebling
Enxeñeiro estrutural John Augustus Roebling
Datas
Inauguración 24 de maio de 1883
Cronoloxía
Acontecementos 1869 - 1883 construción
Transporte
Permite o paso de beirarrúa estrada
Dimensión
Altura 84 m Anchura 25,9 m Lonxitude 5.989 pés
Localización
Situado en Manhattan, Nova York, Nova York, Estados Unidos de América  Localización Nova York Manhattan Brooklyn  Atravesa Rio East (pt) Mapa  40°42′20″N 73°59′47″O
Patrimonio cultural
Candidato a Patrimonio da Humanidade Data 12 de abril de 2017 Identificador 6232 Rexistro de Lugares Históricos do Estado de Nova York Data 23 de xuño de 1980 Lugar de Interese de Nova York Data 24 de agosto de 1967 Identificador 0098 Lugar listado no Rexistro Nacional de Lugares Históricos Data 15 de outubro de 1966 Identificador 66000523 Fito histórico nacional Data 29 de xaneiro de 1964 Punto histórico da enxeñaría civil Identificador brooklyn-bridge
Fontes e ligazóns
Webcast Webcast
Wikidata C:Commons

A Ponte de Brooklyn (oficialmente, en inglés, New York and Brooklyn Bridge, "Ponte de Nova York e do Brooklyn") é unha ponte na cidade de Nova York, unha das máis antigas pontes pénsiles nos Estados Unidos, cunha lonxitude de 1.834 metros, e sitúase sobre o río East, ligando os distritos (boroughs) de Manhattan e Brooklyn.

Cando foi finalizada era a maior ponte colgante ou de suspensión do mundo, e a primeira na que se empregaron cabos. Foi a primeira ponte de aceiro suspensa do mundo e as súas inmensas torres de soporte convertéronse nas estruturas máis altas de toda a cidade de Nova York.

Historia

A construción comezou en 1869. A ponte de Brooklyn ficou completa catorce anos despois, e foi aberta para os cidadáns o 24 de maio de 1883. O primeiro día, un total de 1.800 vehículos e 150.300 persoas a atravesaron. A construción da ponte custou 188 millóns de dólares e aproximadamente 27 persoas morreron durante os traballos.

Impresión da Currier and Ives (1083).

Cando foi concluída, era a maior ponte por suspensión do mundo - 50% maior que a construción anterior - e converteuse nunha gran ponte de referencia turística. Adicionalmente, durante varios anos as torres foron as maiores esculturas dos Estados Unidos.

A ponte foi deseñada polo arquitecto John Augustus Roebling en Trenton, Nova Jersey. Roebling e a súa empresa construíran pequenas pontes suspensas, como a John A. Roebling Suspension Bridge en Cincinnati, Ohio e a Waco Suspension Bridge en Waca, Texas, estas serviran coma prototipos de enxeñaría para o deseño final.

Cando a construción comezou, o pé de Roebling sufriu unha seria lesión nun accidente, e nunhas poucas semanas morreu de tétano. Cando a ponte foi aberta, a esposa de seu fillo Washington, Emily Warren Roebling, foi a primeira persoa en atravesar; Washington non conseguiu saír da súa casa, por mor á depresión que sufría naquel momento, e asistiu a construción a través dun telescopio.

Na época na que a ponte foi construída, o sistema aerodinámico da ponte non estaba ben estudado e desenvolvido. Roebling deseñou unha ponte que foi seis veces máis forte e resistente.

Atentados terroristas

O primeiro de marzo de 1994 o libanés Rasid Bazil abriu fogo nun coche cargado de xudeus ortodoxos, membros da Lubavitch. Baz foi acusado de asasinato e sentenciado a 141 anos na cadea. Nun principio a acción non foi clasificada como un atentado terrorista, pero máis tarde, o FBI clasificouna como tal. A pista de acceso á ponte no lado de Manhattan foi chamada de Ari Halberstam Memorial Ramp, en honra á vítima.

En 2003, un home chamado Iyman Faris foi condenado a vinte anos no cárcere por fornecer información a Al-Qaida, despois de se descubrir unha trama para facer caer a ponte de Brooklyn cortando os seus cabos metálicos con sopretes.

A ponte de Brooklyn e o centro financeiro de Manhattan, Nova York, EUA.