Pont des Arts
Coordenadas: 48°51′30″N 2°20′16″L / 48.858333333333, 2.3377777777778
| Pont des Arts | |
|---|---|
 Pont des Arts | |
| Localización | |
| Características | |
A ponte das Artes ou pasarela das Artes (en francés: Pont des Arts ou passerelle des Arts) é unha ponte parisiense sobre o río Sena de uso peonil que se atopa no VI Distrito. Une o Instituto de Francia co Museo do Louvre.
Historia[editar | editar a fonte]
Construído de 1801 a 1804, foi a primeira ponte metálica da capital francesa.
A ponte, que se atopaba en mal estado, foi pechado en 1976. Dous anos máis tarde derrubouse parcialmente polo choque dunha barcaza contra un dos seus alicerces.
A ponte actual foi reconstruída entre 1981 e 1984 coa mesma forma que o anterior, agás que ten dous alicerces menos para facilitar a navegación polo río. Foi reinaugurado o 27 de xuño de 1984 por Jacques Chirac, quen era daquela alcalde de París.
Utilizado ocasionalmente para exposicións artísticas, é tamén un lugar que atrae ós turistas, pintores, debuxantes e fotógrafos polas panorámicas que ofrece da Île de la Cité e das pontes de París. É lembrado como punto de encontro entre "a Maga" e "Oliveira" na novela Rayuela, de Julio Cortázar.
En anos recentes, a ponte foi utilizada como escenario para un costume das parellas que visitan a cidade. O xesto consiste en pechar un cadeado nas reixas das varandas da ponte, o cal ten escrito os nomes da parella ou algún outro mensaxe. Posteriormente a chave do cadeado é guindada ó río Sena, simbolizando que o amor entre ambos será eterno.[1] Por mor do peso dos cadeados e á deterioración que isto provocaba na ponte, o concello de París decidiu retirar os cadeados da Ponte das Artes en 2015.[2]
