Polaroid (empresa)

Na Galipedia, a Wikipedia en galego.

Falta algunha imaxe que ilustre o artigo
 Este artigo non contén imaxes. Pode axudar cargando imaxes, na Galipedia ou na Wikimedia Commons, relacionadas co contido do artigo, ou incluíndo unha xa existente.
 Debe ter en conta as políticas de uso de imaxes e o respecto polos dereitos de autoría.

Polaroid é unha compañía estadounidense dedicada á fabricación e distribución de cámaras e película fotográfica instantánea.

Historia[editar | editar a fonte]

En 1928, Edwin H. Land desenvolveu o primeiro filtro polarizador sintético. Após varios anos de desenvolvemento, en 1932 funda os laboratorios Land-Wheelwright, que en 1935 adoptarán a denominación actual, pola que son mundialmente coñecidos, Polaroid.

A comercialización do produto comezou en 1937, atinxindo un grande éxito debido á multitude de aplicacións, inclusive militares. A Polaroid converteuse nun importante subministrador do exército estadounidense durante a Segunda Guerra Mundial.

En 1947, a Polaroid presentou na Sociedade Óptica Estadounidense a primeira fotografía instantánea, tirada cunha cámara que revelaba e positivaba a imaxe en 60 segundos. Ese invento tornouse o principal produto da empresa até a aparición da fotografía dixital, na década de 1990.

En 1986, a Polaroid enfrontouse xudicialmente a Kodak por unha cuestión de patentes, o que trouxo consigo o abandono de Kodak nese segmento do mercado. Ademais, Polaroid foi unha das primeiras casas en producir cámaras dixitais: en 1996 saíu ao mercado a PDC-2000 que, porén, perdeu a loita por gañar un importante nicho de mercado nese segmento. Isto, combinado con outros problemas de dirección da compañía, levou á súa quebra en 2001. A compañía modificou o seu nome polo de Primary PDC, que foi vendida a unha entidade subsidiaria do Bank One. Os propietarios da compañía fundaron unha nova empresa, nomeada Polaroid Corporation, que continuou a fabricación de produtos fotográficos baixo o control de Thomas J. Petters e da Petters Group Corporation. Na actualidade, a empresa atópase en proceso de reposicionamento no mercado da fotografía dixital.