Piracaldo
| Piracaldo | |||||||||
|---|---|---|---|---|---|---|---|---|---|
| |||||||||
| |||||||||
| Características | |||||||||
|
Temperatura
| |||||||||
|
Gastronomía
| |||||||||
| |||||||||
| |||||||||
| Wikidata | |||||||||
O piracaldo é unha preparación culinaria propia do acervo gastronómico paraguaio, que consiste nun caldo ou sopa de peixe, á que se lle engaden distintas verduras e produtos lácteos durante o proceso de cocción.[1][2][3]
Trátase dun prato tradicional de gran relevancia cultural, estando instaurada dende 2019 o Festival Nacional do Piracaldo, festividade que aglomera a un número aproximado de 10.000 comensais.[4][5]
Historia
[editar | editar a fonte]Etimoloxía
[editar | editar a fonte]Piracaldo é un vocábulo híbrido, é dicir, unha palabra composta por raíces de dúas — ou máis — linguas distintas. A raíz «pira» procede do guaraní pira, peixe;[6] e a raíz «caldo», do castelán. Este tipo de vocábulos caracterizan a fala típica do Paraguai, fortemente influenciada polo contacto constante das súas dúas linguas principais.[7]
Orixe
[editar | editar a fonte]No contexto da antropoloxía culinaria paraguaia, destaca a relevancia do consumo de peixe nos distintos grupos guaranís.[8][9] Estes grupos desenvolveron diferentes técnicas para a súa conservación e aproveitamento, como a salgadura ou a elaboración de fariña de peixe. Este patrón alimentario estivo influenciado polo extenso proceso de transculturación que caracterizou a interacción entre a cultura autóctona e a europea en todo o territorio da América virreinal.
Ingredientes e elaboración
[editar | editar a fonte]Para o piracaldo tradicional utilízanse principalmente peixes de río máis pequenos,[10] especialmente os da familia do bagre. Tamén se empregan outros ingredientes como graxa vexetal ou animal, leite ou nata, queixo, cebola, tomate, pemento, perexil, chile e sal.
O piracaldo, na súa versión máis popular, prepárase fritindo cebolas, tomates, pementos e perexil en graxa vexetal, de porco ou tenreira. Posteriormente, bótase auga fervida e engádense o peixe, o queixo e o leite ou a nata. Cando o peixe estea cocido e o caldo estea espeso, engádese o chile finamente picado.[11]
Dada a ampla difusión do piracaldo como prato tradicional, desenvolvéronse diversas variantes desta receita. Unha delas consiste no procesamento dos peixes — previamente cocidos — a través dun muíño de pequeno tamaño. Este método permite a extracción total do contido óseo dos peixes, garantindo así un uso integral dos mesmos na elaboración do piracaldo.
Notas
[editar | editar a fonte]- ↑ Puri, Vinod (2023-07-21). Science of Food Nutrition and Health (en inglés). Austin Macauley Publishers. ISBN 978-1-3984-5412-5.
- ↑ Teicher, Kerstin (2015-02-05). Kochbuch Paraguay: Landestypische Rezepte und Hintergrundinformationen (en alemán). BoD – Books on Demand. ISBN 978-3-7357-9502-1.
- ↑ Galeano, María Elena (1 de outubro de 2020). "Pira caldo". Alacarta (en castelán). Paraguai. Consultado o 2024-10-26.
- ↑ "San Antonio realizó con éxito primer Festival del Piracaldo". Última Hora (en castelán). 2019-08-05. Consultado o 2024-10-24.
- ↑ "El Festival del Piracaldo celebra su tercera edición". La Nación (Paraguai) (en castelán). 12 de agosto de 2023. Consultado o 2024-10-24.
- ↑ Rotela, Rodrigo (2017-06-07). "Receta de Piracaldo". Cookpad (en castelán). Consultado o 2024-10-24.
- ↑ Palacios, Azucena (2005). "Lenguas en contacto en Paraguay: Español y guaraní". Variedades lingüísticas y lenguas en contacto en el mundo de habla hispana, 2005, ISBN 1-4208-2204-7, págs. 35-43: 35–43. ISBN 978-1-4208-2204-5.
- ↑ Ibars, Margarita Miró (2004). Karu reko: antropología culinaria paraguaya (en castelán). Servilibro. p. 168. ISBN 978-99925-79-55-8.
- ↑ Linco (2022-07-01). "El consumo de pescado en la cultura guaraní-paraguaya". Cocina Rica (en castelán). Consultado o 2024-10-24.
- ↑ Tienza, Clemente Carmona (2020-12-01). ¿Y tú qué sabes? (en castelán). Editamas, José María Ontivero. p. 127. ISBN 978-84-122576-8-7.
- ↑ Herrero, Maria José (2022-08-25). "Piracaldo". Mi Corazón de Arroz (en castelán). Consultado o 2024-10-24.