Pipino de Italia
  | |
| Nome orixinal | (fr) Pepin d'Italie |
|---|---|
| Biografía | |
| Nacemento | 777 valor descoñecido |
| Morte | 8 de xullo de 810 (32/33 anos) Milán |
| Causa da morte | Doenza |
| Lugar de sepultura | Basílica de San Zenón (pt)  |
| Rei dos francos | |
| | |
| Actividade | |
| Ocupación | monarca |
| Outro | |
| Título | Rei dos lombardos (pt) (781–810) Rei de Italia (781–810) |
| Familia | Dinastía Carolinxia |
| Cónxuxe | Rotaida (pt) |
| Parella | Rotaida (pt) |
| Fillos | Bernardo de Italia (  ) Rotaida (pt) Gundrada (pt) ( ) Rotaida (pt) Berta (pt) ( ) Rotaida (pt) Atala (pt) ( ) Rotaida (pt) Adelaide (pt) ( ) Rotaida (pt) Theodrada (pt) ( ) Rotaida (pt) |
| Pais | Carlomagno e Hildegarda (esposa de Carlos Magno) (pt) |
| Irmáns | Carlos, o Jovem (pt) , Pipino o Xiboso, Lois I o Piadoso, Drogon de Metz (pt) , Hugh (en) , Lotário (pt) , Teodorico (pt) , Rotrude (pt) , Teodrada (pt) , Berta (pt) , Gisela (en) , Alpaida (pt) , Adelaide (pt) , Hildegarda (pt) , Chrotais (en) , Hiltrude (pt) , Rodaida (pt) e Adaltruda (pt) |
  | |
Pipino de Italia, nado en abril de 773 e finado o 8 de xullo de 810, era fillo de Carlomagno e foi rei de Italia (781-810) baixo a autoridade de seu pai.
Traxectoria[editar | editar a fonte]
Foi o terceiro fillo de Carlomagno e segundo dos tidos coa súa muller Hildegarda. Ao nacemento recibiu o nome de Carlomán, pero, a raíz da traizón de seu irmán, Pipino o Chepudo, aplicáronlle a el o nome real de Pipino. Foi proclamado Rei de Italia logo da conquista do reino longobardo por parte de seu pai. En 781 coroouno o Papa Hadrián I coa coroa de ferro dos longobardos.
Foi un gobernante activo que traballou pola expansión do Imperio Franco. En 791, conduciu un exército longobardo cara ao Val do Drava e saqueou Pannonia, mentres seu pai seguía o curso do Danubio cara ao territorio dos ávaros. Carlomagno tivo que abandonar a empresa para atender a revolta saxoa do 792. Pipino e o Duque Eric de Friúl continuaron, pero, atacando as fortificacións dos ávaros. O gran anel dos ávaros, a súa fortaleza principal, foi tomada dúas veces. O botín foi enviado á corte de Carlomagno, a Aquisgrán, e foi distribuído entre os seus colaboradores e mesmo entre gobernantes estranxeiros, coma o rei Offa de Mercia.
Realizou un longo pero infrutuoso asedio a Venecia, cidade baixo o dominio bizantino (polo menos nominalmente), no ano 810. O acoso durou seis meses e o seu exército foi devastado polas enfermidades propias das zonas húmidas da rexión e tivo que se retirar. Pipino morreu uns meses máis tarde.
Casou con Berta, filla, quizais, do conde Guillerme I de Tolosa. Tiveron cinco fillas: Adelaida, que casou con Lamberto I de Nantes, Atala, Gundrada, Berta e Tetrada. Todas elas naceron entre o ano 800 e a morte de Pipino. Tivo ademais un fillo ilexítimo, Bernardo. Pipino estaba destinado a herdar unha terceira parte do Imperio de seu pai pero morreu antes ca el. A coroa de Italia pasou ao seu fillo Bernardo, pero a dignidade imperial foi para o seu irmán máis novo, Lois o Piadoso.
