Pine Bluff

Rúa principal de Pine Bluff, co tribunal do condado ao fondo

Pine Bluff é a capital do condado de Jefferson en Arcansas (Estados Unidos). A cidade tiña unha poboación de 49.083 habitantes segundo o censo de 2010 . Localízase na sección sueste do estado, no delta de Arcansas á beira do río Arcansas, a súa topografía é plana, cun gran número de regatos e bayous nos seus arredores. A maior parte da poboación é afroamericana.

Historia

No momento da chegada dos europeos o principal pobo nativo da rexión eran os quapaw, algúns comerciantes españois e franceses asentáronse na zona establecendo relacións comerciais e casaron con mulleres indíxenas, un fillo dunha destas relacións, Joseph Bonne estableceuse logo dunhas inundacións en 1819 nun outeiro (bluff en inglés) a uns quilómetros do asentamento quapaw, no lugar no que actualmente se levanta a cidade. A partir de 1824 uníronse outras familias europeas. En 1829 a lexislatura estatal estableceu o condado de Jefferson, establecéndose en 1832 a súa capital no asentamento de Bonne, que a partir de outubro pasou a se denominar oficialmente Pine Bluff Town. Durante a Guerra Civil e como consecuencia da Proclamación de Emancipación na localidade instaláronse moitos refuxiados afroamericanos que fuxían da escravitude imperante na Confederación.

Véxase tamén

Ligazóns externas

• Web oficial (en inglés)