Pierre Louis Moreau de Maupertuis

Na Galipedia, a Wikipedia en galego.
Pierre Louis Moreau de Maupertuis
PierreLouisMaupertuis.jpg
Datos persoais
Nacemento 7 de xullo de 1698
Lugar Saint-Jouan-des-Guérets, Saint-Malo, Flag of France.svg Francia
Falecemento 27 de xullo de 1759 (61 anos)
Lugar Basilea, Suíza Suíza
Nacionalidade Francia
Actividade
Campo Astrónomo, filósofo, matemático, físico, biólogo, e naturalista
Contribucións e premios
Coñecido por Principio de mínima acción
Influído por Leibniz, Newton, Descartes, Malebranche, Harvey, Berkeley
Influíu en Euler, Buffon, Diderot, Kant
Premios membro da Royal Society
editar datos en Wikidata ]

Pierre-Louis Moreau de Maupertuis, nado en Saint-Jouan-des-Guérets o 7 de xullo de 1698 e finado en Basilea, Suíza o 27 de xullo de 1759 foi un filósofo, matemático e astrónomo francés.[1]

Obra[editar | editar a fonte]

Principio de mínima acción[editar | editar a fonte]

O principio de mínima acción establece que en todos os fenómenos naturais, unha cantidade chamada "acción" tende a ser minimizada. Maupertuis desenvolveu este principio ao longo de dúas décadas. Para el, a acción podía ser expresada matematicamente como o produto da masa do corpo implicado, a distancia percorrida e a velocidade á que viaxa.

Bioloxía[editar | editar a fonte]

Na súa obra Vénus physique (1745) Maupertuis opúxose á teoría da preformación do embrión entón de moda, afirmando que o pai e a nai teñen unha influencia semellante na herdanza. Maupertuis trata de explicar os fenómenos xenéticos a partir dunha teoría de atracción físico-química.

Para Maupertuis, a natureza era demasiado heteroxénea como para ser creada por deseño. A súa perspectiva materialista e mecanicista (debida ao seu coñecemento das teorías newtonianas[2] e os seus coñecementos ao redor da herdanza) permitíronlle desenvolver unha teoría da vida bastante próxima ao moi posterior mutacionismo de Hugo de Vries (1848-1935). Segundo Maupertuis, as primeiras formas de vida apareceron por xeración espontánea a partir de combinacións azarosas de materias inertes, moléculas ou xermes. A partir destas primeiras formas de vida, unha serie de mutacións fortuítas procreou unha multiplicación sempre crecente de especies. Maupertuis chega mesmo a postular a eliminación dos mutantes deficientes, converténdose así nun antecedente da teoría da selección natural.[3]

Obras[editar | editar a fonte]

  • Sur la figure de la terre (1738)
  • Discours sur la parallaxe de la lune (1741)
  • Discours sur la figure des astres (1742)
  • Eléments de la géographie (1742)
  • Lettre sur la comète de 1742 (1742)
  • Accord de différentes loix de la nature qui avoient jusqu’ici paru incompatibles (1744)
  • Vénus physique (1745)
  • Astronomie nautique (1745 e 1746)
  • Les loix du mouvement et du repos déduites d'un principe metaphysique (1746)
  • Essai de cosmologie (1750).

Eponimia[editar | editar a fonte]

Notas[editar | editar a fonte]

  1. Nos arquivos da cidade de Saint-Malo, a súa data de bautismo dáse como 28 de setembro de 1698.
  2. The Man Who Flattened the Earth. University of Chicago Press. ISBN 0-226-79360-5. 
  3. Bently Glass: Maupertius, pioneer of genetics and evolution, in Glass, B., Temkin O. & Straus W.L.Jr 1959.
  4. Gazetteer of Planetary Nomenclature
  5. Web de jpl. "(3281) Maupertuis".