Pica de papo rubio

Pica de papo rubio
Anthus cervinus Peter Simon Pallas 1811
Instancia de taxon  Nome curto A. cervinus  Categoría taxonómica especie  Combinación orixinal Motacilla cervina
Conservación Especie pouco preocupante
Clasificación taxonómica
Superreino Holozoa Reino Animalia Filo Chordata Clase Aves Orde Passeriformes Familia Motacillidae Xénero Anthus Especie Anthus cervinus (Pallas, 1811) Anthus cervinus
Cifras e dimensións Masa 2,01 g peso de nacemento Tamaño da niñada 3,7
Localización  Área de distribución Indonesia Burkina Faso África Montañas Nanling América do Sur  Mapas
Códigos e identificadores Freebase /m/01xz4f ITIS 178498 OTT 695341 UICN 22718560
Wikidata G:Commons C:Commons

A pica de papo rubio (Anthus cervinus) é unha ave da familia das motacílidos, que cría nas zonas de taiga e tundra de Eurasia e Alasca e pasa o inverno en zonas tropicais de África e Asia.

Descrición

Son paxaros de entre 14 e 15 cm. de lonxitude, coa parte superior do corpo de cor castaña. A parte superior da cabeza e a parte superior do lombo teñen faixas lonxitudinais escuras. A rabadilla está punteada de negro. As aves adultas teñen unha gorxa de cor ferruxe moi característica. Esta coloración espállase nalgúns exemplares ata o papo e os lados da cabeza. O resto da parte inferior é amarela clara, con puntos negros no peito e nos flancos. As aves novas teñen a gorxa branca durante o seu primeiro inverno de vida, teñen unha lista superciliar e un pequeno anel ocular brancos e liñas abrancazadas no lombo.

Cantan en xeral voando. Poucas veces o fan pousados e, cando se da o caso, só por períodos curtos.

Distribución e hábitat

A area de cría abrangue a tundra boreal e a taiga dende Escandinavia ata a península de Chukchi e a costa oeste de Alasca. Viven principalmente en áreas pantanosas baixas e abertas, con arbustos de folla caduca. Durante as migracións vense en áreas húmidas sen árbores, pero tamén en zonas secas e campos labrados.

Non hai cifras exactas do número de exemplares desta especie pero a IUCN non a considera especie ameazada.

Reprodución

Anthus cervinus

Fan os niños no chan entre a vexetación, e poñen os ovos entre finais de maio e comezos de xuño. A posta varía entre 4 e 7 ovos, que chocan durante uns 10 a 13 días. Incuba case exclusivamente a femia, que é alimentada polo macho durante esta época. Os polos tardan entre mes e medio e dous meses en poderen voar.

Migracións

Chegan ás áreas de cría entre agosto e setembro. Os exemplares que crían ó leste da área de distribución, pasan o inverno no sueste de Asia; os outros en Exipto e sobre todo ó sur do Sáhara, no Sahel e na sabana.

Véxase tamén

Bibliografía

• Lars Svensson, Peter J. Grant, Killian Mullarney, Dan Zetterström: Der neue Kosmos Vogelführer. Kosmos, Stuttgart; 1999: S. 250-251. ISBN 3-440-07720-9
• Einhard Bezzel: Kompendium der Vögel Mitteleuropas. Passeres - Singvögel. Aula, Wiesbaden, 1993: S. 91-95. ISBN 3-89104-530-1

Ligazóns externas

• A pica de papo rubio na lista vermella de especies ameazadas da IUCN