Phalacrocorax penicillatus

Na Galipedia, a Wikipedia en galego.
Saltar ata a navegación Saltar á procura

Phalacrocorax penicillatus
Brandt's Cormorant.jpg
Estado de conservación
Pouco preocupante (LC)
Pouco preocupante[1]
Clasificación científica
Reino: Animalia
Filo: Chordata
Clase: Aves
Orde: Suliformes
Familia: Phalacrocoracidae
Xénero: Phalacrocorax
Especie: P. penicillatus
Nome binomial
Phalacrocorax penicillatus
(Brandt, 1837)

Phalacrocorax penicillatus é unha especie de corvo mariño estritamente mariño que vive nas costas do Pacífico de Norteamérica. No verán vive desde Alasca ata o golfo de California, pero a poboación que vive ao norte da illa de Vancouver migra ao sur durante o inverno. O seu nome específico, penicillatus en latín significa pincel de pelos, e fai referencia ás plumas brancas do seu pescozo e costas durante o inicio da tempada reprodutora. Foi descrita polo naturalista alemán Johann Friedrich von Brandt da Academia de Ciencias de San Petersburgo, Rusia, que describiu a especie a partir de espécimes recollidos en expedicións ao Pacífico de comezos do século XIX. Por esta razón nalgúns países chámanlle corvo mariño de Brandt.

Este corvo mariño aliméntase en solitario ou en bandadas, e é moi adaptable en canto á elección das súas presas e hábitat submarino de pesca. Come pequenos peixes que viven desde a superficie da auga ao fondo do mar (chegan ata 36,5 m de profundidade), que capturan mergullándose desde a altura e perseguíndoos nadando propulsándose cos seus pés. As presas que capturan son as máis comúns na súa área: en California central, a captura máis común son peixes do xénero Sebastes, pero na costa da Columbia Británica, comen arenques do Pacífico (Clupea pallasii).

Durante a estación de apareamento os adultos teñen unha mancha azul na garganta. A especie aniña no chan ou sobre afloramentos rochosos.

Adulto mostrando a mancha azul da gorxa característica da plumaxe reprodutora.
Ilustración de 1859.

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]