Peter R. Franke

Peter R. Franke

Nome orixinal	(de) Peter Robert Franke
Biografía
Nacemento	2 de novembro de 1926 Lüdenscheid, Alemaña
Morte	30 de decembro de 2018 (92 anos) Berlín Alemaña
Datos persoais
País de nacionalidade	Alemá
Educación	- Universidade de Múnic. - Universidade de Erlangen-Nuremberg. - Universidade do Sarre.
Coñecido por	Estudos de numismática antiga.
Actividade
Campo de traballo	Numismática, arqueoloxía.
Lugar de traballo	Múnic
Ocupación	numismático , historiador , profesor universitario
Empregador	Universidade do Sarre (pt) (1967–1994) Universidade de Múnic
Membro de	Instituto Arqueolóxico Alemán Academia Austríaca de Ciencias
Lingua	Lingua alemá
Premios
- (1988): Medalla da RNS. - (1992): Medalla Huntington (ANS). - (2003): Medalla Gunnar Holst.

Peter Robert Franke, nado o 2 de novembro de 1926 en Lüdenscheid, Renania do Norte-Westfalia, e finado o 30 de decembro de 2018 en Berlín, foi un numismático e historiador alemán.

Traxectoria

Peter R. Franke naceu en 1926 en Lüdenscheid, en Westfalia, durante a efémera República de Weimar, e pasou a súa infancia en Baviera. Finalaizada a segunda guerra mundial traballou nas minas de carbón de Peißenberg.

Franke estudou Historia Antiga na Universidade de Múnic, e Historia, Xeografía e Estudos Alemáns na Universidade de Erlangen con Helmut Berve, quen dirixiu o seu doutoramento nesta universidade en 1954, acadado cunha tese sobre o antigo Epiro e o reinado dos Molosos. En 1960 logrou a súa habilitación docente na Universidade de Erlangen cun traballo sobre as moedas de Epiro e exerceu alí como profesor privado de Historia Antiga.

Logo de iniciar a súa traxectoria profesional na Colección Estatal de Moeda de Múnic, en 1964 converteuse en asesor científico da delegación en Atenas do Instituto Arqueolóxico Alemán e en 1967 acadou un posto de profesor na Universidade de Múnic. Ese mesmo ano accedeu á cátedra de Historia Antiga na Universidade do Sarre, que ocupou ata a súa xubilación en 1994. Nesta universidade foi decano da Facultade de Filosofía entre 1983 e 1985.

Como profesor invitado visitou diversas universidades, como Princeton, en Nova York, as de Viena, Budapest, Salónica e Salzburgo.

Entre outras sociedades e entidades numismáticas e académicas, Franke foi membro da Comisión Numismática dos Estados da República Federal de Alemaña, da Sociedade Numismática de Baviera, da Sociedade Numismática de Berlín (membro honorario), do Instituto Arqueolóxico Alemán, do Instituto Arqueolóxico de Austria e da Academia de Ciencias de Austria.

Como investigador centrou o seu labor na numismática antiga. Sobre este tema é de salientar a súa publicación de 1964 sobre a moeda grega (Die griechische Münze), amplamente ilustrado con fotografías de Max Hirmer. Sobre numismática antiga participou tamén en senllos traballos das series Die Fundmünzen der römischen Zeit in Deutschland, acerca da moeda da Antiga Roma, e Sylloge Nummorum Graecorum, sobre as cuñaxes da Grecia Antiga.

Recoñecementos

• (1988): Medalla da Royal Numismatic Society, de Londres.
• (1992): Medalla Huntington, da American Numismatic Society, de Nova York.
• (2003): Medalla Gunnar Holst, da Fundación Numismática Gunnar Holst, de Gotemburgo, Suecia.

Publicacións

Esta é unha escolma dos principais traballos monográficos publicados por Franke ao longo da súa carreira académica:

Monografías

• (1955). Alt-Epirus und das Königtum der Molosser. Lassleben, Kallmünz.
• (1961). Die antiken Münzen von Epirus. I: Poleis, Stämme und epirotischer Bund bis 27 v. Chr. Steiner, Wiesbaden.
• (1961). Römische Kaiserporträts im Münzbild (fotografías de M. Hirmer). Hirmer, Múnic.
• (1964). Die griechische Münze (fotografías de M. Hirmer). Hirmer, Múnic [2ª ed. en 1972: ISBN 3-7774-2530-3]
• (1966). Monnaie greque (con J. Bebelon e fotografía de M. Hirmer). Flammarion, París.
• (1968). Kleinasien zur Römerzeit. Griechisches Leben im Spiegel der Münzen. Beck, Múnic.
• (1975). Methymna: archäologische Beiträge zur Topographie und Geschichte von Nordlesbos. P. von Zabern, Maguncia.
• (1976). Die antiken Münzen der Sammlung Heynen: Katalog mit historischen Erläuterungen (con I. Paar). Rudolf Habelt, Bon. ISBN 978-3792702611
• (1983). Albanien im Altertum. Raggi, Feldmeilen.
• (1995). Antike Metallurgie und Münzprägung ein Beitrag zur Technikgeschichte (con H. Moesta). Birkhauser, Berlín. ISBN 978-3764351663
• (1997). Die Homonoia-Münzen Kleinasiens und der thrakischen Randgebiet. I: Katalog (con M. Karola Nollé. Saarbrücker Druck- und Verl., Saarbrücken. ISBN 3-930843-26-9
• (1999). Wine and coins in ancient Greece (con I. Marathaki). Hatzimichalis Estate, Atenas. ISBN 9789608588639
• (2002). Lexikon der Aufschriften auf griechischen Münzen. Verlag der Österreichischen Akademie der Wissenschaften, Viena. Vol. 1. ISBN 9783700130826
• (2004). Hausschweine in der griechisch-römischen Antike. Eine morphologische und kulturhistorische Studie (con H. Meyer; J. Schäffer). Isensee, Oldenburg. ISBN 3-89995-083-6
• (2015). Schön und wertbeständig: antike griechische Münzen aus einer alten westfälischen Privatsammlung. Staatliche Münzsammlung München, Münzkabinett, Berlín. ISBN 9783922840350

Sylloge nummorum Graecorum

Artigo principal: Sylloge Nummorum Graecorum.

Estes son os volumes do Sylloge a cargo de Peter R. Franke, editados polo Instituto Arqueolóxico Alemán e o Gabinete Numismático dos Museos Estatais de Berlín:

• Vol. 1 (1968): Hispania, Gallia Narbonensis (con H. Küthmann).
• Vol. 2 (1970): Etruria, Umbria, Picenum, Latium, Samnium, Frentani, Campania, Apulia (con H. Küthmann).

• Vol. 3. (1973): Kalabrien, Lukanien (con H. Küthmann).
• Vol. 4 (1974): Karthager, Italien (con H. Küthmann). ISBN 9783786122111
• Vol. 5 (1977): Sikelia. ISBN 9783786122470
• Vol. 6 (1980): Punier-Sizilien (con H. Küthmann). ISBN 9783786112679
• Vol. 7 (1985): Taurische Chersones, Sarmatien, Dacia, Moesia Superior, Moesia Inferior. ISBN 9783786114253
• Vol. 10 (2001): Makedonien: Könige. ISBN 9783777488301
• Vol. 14 (2004): Attika, Megaris, Ägina. ISBN 9783777496108
• Vol. 19 (1991): Troas, Lesbos. ISBN 9783777456300
• Vol. 20 (1995): Ionien. ISBN 9783777465401
• Vol. 22 (2006): Ionien. ISBN 9783777433455
• Vol. 24 (1989): Phrygien. ISBN 9783777449203
• Vol. 28 (2001): Syrien: nichtkönigliche. ISBN 9783777488509

Véxase tamén

Bibliografía

• Jung, E. (2019). "Begeisterung für die Welt der Antike. Erinnerungen an den Althistoriker Prof. Dr. Peter Robert Franke Arquivado 14 de xuño de 2021 en Wayback Machine.". En Es Heftche. 23 de abril.
• Leschhorn, L. (1996) (eds.). Hellas und der griechische Osten. Studien zur Geschichte und Numismatik der griechischen Welt. Festschrift für Peter Robert Franke zum 70. Geburtstag. Saarbrücker Dr. und Verlag, Saarbrücken. ISBN 3-930843-12-9