Perry Bamonte

Na Galipedia, a Wikipedia en galego.
Perry Bamonte
Nome completo Perry Archangelo Bamonte
Naceu 3 de setembro de 1960 (53 anos)
Orixe Londres, Inglaterra Inglaterra
Instrumento(s) teclados, guitarra
Relacionado con The Cure

Perry Archangelo Bamonte (nado o 3 de setembro de 1960 en Londres, Inglaterra) é un músico anglo-italiano coñecido polo seu traballo coa banda The Cure.

Traxectoria[editar | editar a fonte]

Bamonte uníuse a The Cure no ano 1990, substituíndo a Roger O'Donnell nos teclados. Máis tarde asumiría o papel de guitarrista, compartido con Robert Smith, despois da saída de Porl Thompson en 1993. Bamonte axudou a producir os álbums Wish, Wild Mood Swings, Bloodflowers e The Cure. Perry foi acreditado por escribir a música dos temas "Trust" do Wish, "This Is a Lie" do Wild Mood Swings e "Anniversary" do The Cure. Tamén aparece nos álbums ao vivo Paris e Show e no video Trilogy. O seu irmán menor, Daryl Bamonte, tamén traballou en The Cure como mánager de xira, labor que tamén realizou con Depeche Mode.

No ano 2005 os dous irmáns foron inesperadamente despedidos da banda xunto con Roger O'Donnell. Perry foi rapidamente substituído por Porl Thompson. Na súa primeira intervención dende entón, Bamonte afirmou descoñecer as razóns do seu despedimento.