Pernik

Pernik

Перник (bg)
Localización
42°35′59″N 23°01′51″L
País	Bulgaria
Provincia	Pernik
Concello	Pernik
Capital de	Pernik Pernik
Poboación
Poboación	65.799 (2024) (910,22 hab./km²)
Xeografía
Superficie	72,289 km²
Altitude	710 m
Identificador descritivo
Código postal	2300
Fuso horario	UTC+02:00, horario estándar UTC+03:00, horario de verán
Prefixo telefónico	076
Outro
Irmandado con	Lublin (2001–)
Sitio web	pernik.bg

Pernik (en búlgaro: Перник) é unha cidade do oeste de Bulgaria, capital da provincia homónima. Está situada a ambas as beiras do río Struma, no val homónimo, entre as montañas Viskyar, Vitosha e Golo Bardo.

Xeografía

Atópase a uns 30 km ao sueste de Sofía.

Historia

Ruínas da fortaleza medieval de Krakra nos arredores de Pernik

Orixinalmente foi o lugar dunha fortaleza tracia fundada no século IV a.C. e, posteriormente, asediada polos romanos. Pasou a formar parte do Imperio Búlgaro a principios do século IX como unha importante fortaleza. O nome "Pernik" posiblemente provén do deus eslavo Perún, co sufixo -nik (ou -ik) engadido, e menciónase por primeira vez no século IX.

A cidade medieval foi un clave bastión búlgaro durante as guerras do tsar Samuel contra o Imperio Bizantino no século XI, cando foi gobernada polo nobre Krakra de Pernik, resistindo os asedios bizantinos en varias ocasións. A cidade foi ocupada por Estevo Nemanja, que foi Gran Príncipe de Raska entre 1190 e 1191.

A oficina central de minería (construída 1929-1932)

Dende 1396 ata 1878 a cidade estivo baixo o dominio otomán. No século XX, Pernik desenvolveuse rapidamente como centro de minería de carbón e industria pesada. Durante o réxime comunista de Bulgaria, a cidade chamouse Dimitrov entre 1949 e 1962, despois da morte do líder comunista búlgaro Georgi Dimitrov. Pernik é o centro da metalurxia de Bulgaria, agora coñecido como "Stomana Industry".