Peregrino Lestón González
| Biografía | |
|---|---|
| Nacemento | 1912  Serres, España |
| Morte | 29 de outubro de 1992 (79/80 anos) Bruay-la-Buissière, Francia |
| Actividade | |
| Ocupación | mariñeiro, político |
 | |
Peregrino Lestón González, nado en Serres (Muros) en 1912 e finado en Francia o 29 de outubro de 1992, foi un mariñeiro e político galego.
Traxectoria
[editar | editar a fonte]Mariñeiro de Serres. Co golpe de Estado do 18 de xullo de 1936 foi detido. Foi procesado e xulgado por rebelión en Santiago de Compostela con Manuel Lago Ramos, Isidro Caramés Tajes e Lino Tieles Blanco o 15 de febreiro de 1937.[1][2] Defendidos por Gonzalo Romero Osende, Peregrino foi condenado a cadea perpetua. Saíu en liberdade provisional. Abríronlle expediente de responsabilidades políticas, que foi sobresido en xaneiro de 1947.[3] Foi procesado na causa 49/46 por roubo a man armada xunto con Isidro Caramés Tajes e Lino Tieles Blanco. O xulgado militar de Santiago de Compostela publicou unha requisitoria reclamando a súa presentación en setembro de 1946.[4] Fuxiu a Francia. Finou en Bruay-la-Buissière (Departamento do Paso de Calais) o 29 de outubro de 1992 con 80 anos.[5]
Notas
[editar | editar a fonte]- ↑ El Eco de Santiago, 15-2-1937, p. 3.
- ↑ El Ideal Gallego, 16-2-1937, p. 2.
- ↑ BOE, 29-10-1949, p. 2352.
- ↑ BOE, 10-9-1946, p. 2392.
- ↑ Avis de décès
