Baixa Época
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
| Baixa Época | ||||||||||||
|---|---|---|---|---|---|---|---|---|---|---|---|---|
Historia antiga de Exipto  | ||||||||||||
| ||||||||||||
| ||||||||||||
| ||||||||||||
| ||||||||||||
| ||||||||||||
| Wikidata C:Commons | ||||||||||||
Coñécese como Baixa Época ao período entre a conquista asiria do Antigo Exipto até a chegada de Alexandre Magno (664 - 323 a. C.).
O rei asirio Assurbanipal (660 - 627 a. C.) estableceu un maior control (desde o 671 a. C. Menfis caera e o país pagáballe un tributo) apoiando ao gobernador de Sais, Neco I (672 - 664 a. C.), quen se enfrontou aos nubios. Pero o fillo deste, Psammético I, aproveitando que Assurbanipal marchara reprimir unha rebelión en Babilonia, liberouse da súa tutela e unificou o reino. Psammético I foi o primeiro faraón que empregou mercenarios gregos e carios.
A prosperidade aumentou, especialmente no delta, e xa na XXVI dinastía tentouse controlar Palestina aproveitándose da decadencia asiria: Neco II combateu en Siria, rexeitou un ataque do rei babilonio Nabucodonosor (604 - 562 a. C.) e construíu unha frota no Mediterráneo e outra no mar Vermello, ao tempo que tentaba enlazar o Nilo e o mar Vermello mediante unha canle. Apries (589 - 570 a. C.) apoiou tamén aos pequenos estados palestinos contra Babilonia e aceptou aos exilados xudeus que fuxían do cativerio. Tentou reprimir aos colonos gregos de Cirene pero o xeneral que enviara, Amasis (570 - 526 a. C.) sublevouse e depúxoo.
Ao ano seguinte da morte deste, os persas invadiron e puxeron no trono a Cambises (525 - 522 a. C.), primeiro soberano da XXVII dinastía persa. Darío I rematou a canle de Neco II. Durante os 80 anos que seguiron á derrota persa contra os gregos en Maratón (ano 490 a. C.), os exipcios combateron por expulsar aos persas apoiándose nos gregos. En 404 a. C. Amirteo de Sais libertou o delta e catro anos máis tarde o resto do país. Os persas volveron dominar Exipto durante dez anos (343 - 333 a. C.), no que constituíu a XXXI dinastía.
