Pelle Almqvist

Na Galipedia, a Wikipedia en galego.
Saltar ata a navegación Saltar á procura
Pelle Almqvist
HivesPelleatSouthsideFestival.jpg
Nome completoHowlin' Pelle Almqvist
Nacemento29 de maio de 1978 (40 anos)
OrixeFagersta, Västmanlands län, Flag of Sweden.svg
Ocupaciónmúsico, compositor
Xénerogarage rock, garage punk
Instrumento(s)voz, baixo
Relacionado conThe Hives, Moneybrother
Tempo en activo1989 - actualidade
editar datos en Wikidata ]

Howlin' Pelle Almqvist, nado en Fagersta (Västmanlands län) o 29 de maio de 1978, é un músico sueco, vocalista da banda The Hives. Ao igual que o resto da banda, Almqvist procede de Fagersta, unha pequena vila do centro de Suecia duns 11.000 habitantes.

Traxectoria[editar | editar a fonte]

Pelle e o seu irmán Nicholaus formaron a banda en 1993, e, segundo a biografía da banda, chamaron a atención do promotor e compositor Randy Fitzsimmons (que durante tempo se pensou que era unha personaxe ficticia), que impulsou á banda cara a fama.

Almqvist é coñecido pola súa enerxía sobre o escenario, e a súa posta en escena fíxolle gañar á banda o título de "mellor banda en directo do mundo" pola Spin Magazine, que tamén coloca a Almqvist na súa lista dos "50 mellores líderes de todos os tempos". Algunhas das súas postas en escena inclúen o mesturarse co público, subirse aos amplificadores ou a escaleiras e dicir parvadas entre as cancións. Por exemplo, durante o Big Day Out Festival en Sidney no 2005, Pelle díxolle á audiencia "Bad music is the devil and I will be your exorcising priest, helpin' you out!" (a mala música é o demo e eu serei o voso exorcista, axudando a expulsalo!). No final dun concerto, díxolle ao público, "Thank you for flying Hives Airlines. We hope you had a great flight and decide to return again soon!" (Grazas por voar nas aeroliñas Hives. Agardamos que tivésedes un bo voo e decidades volver cedo!).

Pelle Almqvist-The Hives-Philadelphia-2012.