Pelicans Lahti

Pelicans
Fundación	1945
Cidade	Lahti,; Päijänne Tavastia; Finlandia
Estadio	Isku Areena; (5.534 espectadores)
Liga	Liiga
Campionatos	0
Propietario(s)	Pasi Nurminen; Lahden Pelicans Oy
Director	Ilkka Kaarna
Adestrador	Kai Suikkanen
Afiliado(s)	Peliitat (Mestis)
Cores	Azul, negro, branco e amarelo;
Na rede
	http://www.pelicans.fi/

O Pelicans Lahti é un equipo profesional de hóckey sobre xeo da cidade de Lahti (Finlandia). Actualmente compite na máxima categoría do hóckey sobre xeo finés, a SM-liiga. Un dos seus propietarios é o ex-porteiro da NHL Pasi Nurminen. Xoga os seus partidos como local no Isku Areena de Lahti, un pavillón con capacidade para 5.534 espectadores.

Historia[editar | editar a fonte]

Antecedentes[editar | editar a fonte]

En 1891 fundouse o Viipurin Reipas na localidade de Viipuri (actual Vyborg, en Rusia), e en 1928 proclamase campión da primera edición da máxima competición do hóckey sobre xeo en Finlandia, a SM-sarja.^[1] Logo da segunda guerra mundial incluíndo a Guerra de continuación, que enfrontou á URSS e a Finlandia, Vyborg foi cedida á URSS e o club trasladouse a Lahti, convertendose no Lahden Reipas. En 1975, creouse a SM-liiga e o Kiekkoreipas, équipo de hockey sobre xeo do club polideportivo Lahden Reipas debutou na segunda división finesa, a 1.Divisioona. En 1989, o nome do club cambiou a Hockey Reipas.

O Reipas Lahti fundouse en primavera de 1992 polo editor Kari Naskinen trala quiebra do Kiekkoreipas. Na súa primeira tempada na máxima categoría 1992-93, o equipo finalizou na 12ª e última posición, mais gañou a fase de promoción e mantívose na elite do hóckey sobre xeo finés. Na tempada seguinte, o Reipas Lahti finalizou novamente na derradeira posición da clasificación, así como na cuarta e última posición da fase de promoción, polo que descendeu á 1.Divisioona.

Pelicans Lahti[editar | editar a fonte]

En 1996, o club foi renomeado Pelicans.^[1] Na tempada 1998-99, logo de finalizar no segundo posto a 1.Divisoona, o equipo disputou a promoción de ascenso á SM-liiga, batendo sucesívamente a Kokkolan Hermes, Vaasan Sport e KalPa para retornar á máxima categoría. Na tempada 1999-00, no seu retorno á SM-liiga, o equipo finalizou novamente na 12ª e última posición con tan só oito partidos gañados dun total de 54 disputados. Novamente, os Pelicans víronse obrigados a disputar a promoción fronte ao mellor equipo da 1.Divisioona, o Kärpät. A pesar de perder a promoción, os Pelicans beneficiáronse do troco na estrutura da liga, que pasou de 12 a 13 equipos, polo que se mantiveron na elite finesa.

Na tempada 2000-01, o equipo clasificouse por primeira vez na súa historia para os playoffs logo de finalizar na sétima posición a liga regular; a tempada seguinte, os Pelicans finalizaron na 5ª posición e clasificáronse novamente para os playoffs. Mais logo destas dúas tempadas, volveron a completar varias malas tempadas que os levaron a finalizar na 12ª posición na tempada 2002-03, na 13ª na tempada 2003-04, novamente na 13ª na tempada 2004-05, e novamente na 12º na tempada 2005-06. A SM-liiga converteuse nunha liga pechada na tempada 2000-01, polo que os Pelicans se mantiveron na elite sen disputar a promoción en 2004 ee 2005 a pesar da súa derradeira posición na liga.

Entre o 2007 e o 2009, o equipo clasificouse para os playoffs aproveitándose da extensión de 8 a 10 equipos clasificados para a fase final.

Na tempada 2011-12 proclamouse subcampión e conseguiu a medalla de prata logo de perder na final disputada ao mellor de sete partidos fronte ao JYP por 4-1.

En 2017 o equipo conquistou o seu primeiro título internacional logo de gañar a primeira edición do Energy Steiermark Trophy, un torneo de pretemporada celebrado na cidade de Graz (Austria), na que tamén participaron o Eisbären Berlin alemán, o HK Nitra eslovaco, e o equipo local, o Graz 99ers. Na final os Pelicans derrotaron a Eisbären por 5-3.^[2]

Denominacións[editar | editar a fonte]

Os Pelicans fundáronse na cidade de Viipuri (actualmente en Rusia) baixo o nome de Viipurin Reipas.^[1] A historia do equipo na cidade de Lahti começou en 1945, e dende aquela adoptou distintas denominacións ata que en 1996 adoptou a súa denominación actual:^[3]

Denominacións
Nome	Período
Viipurin Reipas	1891–1945
Lahden Reipas	1945–1975
Kiekkoreipas	1975–1989
Hockey Reipas	1989–1992
Reipas Lahti	1992–1996
Pelicans Lahti	1996-

Pavillón[editar | editar a fonte]

Véxase tamén: Isku Areena.

Interior do Isku Areena.

O equipo xoga os seus partidos como local no Isku Areena dende que adoptou a súa denominación actual en 1996. O pavillón está situado nas proximidades da estación de tren e o centro da cidade de Lahti, e ten capacidade para 5 487 persoas. O estadio conta tamén con salas de reunións e dous restaurantes.^[4]^[5]^[6]

Personalidades[editar | editar a fonte]

Xogadores[editar | editar a fonte]

Capitáns[editar | editar a fonte]

Jan Latvala exerceu de capitán nas tempadas 2009-2010 e 2010-2011.

O primeiro xogador en ser nomeado capitán do equipo foi o finlandés Erkki Mononen na tempada 1966-67, dende aquela sucedéronse un total de 16 capitáns, a maioría deles liderando o equipo en solitario, coas únicas excepcións das tempadas 2001-2002 e 2009-2010, nas que Mika Niskanen e Toni Koivunen primeiro, e Erik Kakko e Jan Latvala despois, compartirion capitanía. Erik Kakko foi o xogador que máis tempadas exerceu de capitán cun total de catro en solitario e unha xunto con Jan Latvala.^[a] De todos os capitáns que tivo o equipo tan só un non naceu en Finlandia, foi o dinamarqués Stefan Lassen. Os diferentes xogadores que teñen sido capitáns do equipo ao longo da súa historia son:^[7]

Capitáns de 1966 a 2003
Nome(s)	Período
Erkki Mononen	1966 a 1968
Ilpo Koskela	1968-1969
ningún capitán	1969 a 1990
Erkki Laine	1990 a 1994
ningún capitán	1994 a 1996
Tony Grönroos	1996 a 1998
Kimmo Peltonen	1998-1999
Mika Niskanen	1999 a 2001
Mika Niskanen e Toni Koivunen	2001-2002
Jari Kauppila	2002-2003

Capitáns dende 2003
Nome(s)	Período
Toni Koivunen	2003-2005
Erik Kakko	2005 a 2009
Erik Kakko e Jan Latvala	2009-2010
Jan Latvala	2010-2011
Arttu Luttinen	2011-2012
Tommi Paakkolanvaara	2012 a 2014
Juha Leimu	2014-2015
Antti Erkinjuntti	2015 a 2017
Stefan Lassen	2017-2018
Hannes Björninen	dende 2018

Números retirados[editar | editar a fonte]

Os Pelicans retiraron tres números en honor a outros tantos xogadores.^[8] Erkki Laine, finado nun accidente en 2009, foi homenaxeado cunha estatua en fronte do Isku Areena revelada o 28 de novembro de 2017, converténdose na primeira estatua de hóckey sobre xeo de Finlandia.^[9] Todos os xogadores homenaxeados naceron en Lahti.

Números retirados dos Pelicans
Nº	Xogador	Posición	Carreira	Ref.
11	Hannu Koskinen	C	1972-1986	^[8]^[10]
13	Erkki Laine	LW	1975-1995	^[8]^[11]
17	Kari Eloranta	D	1976-1991	^[8]^[12]

Adestradores[editar | editar a fonte]

Dende que o club adoptou a súa denominación actual en 1996, os Pelicans tiveron trece adestradores diferentes, dos cales dous deles (Hannu Aravirta e Petri Matikainen) dirixiron o equipo en dúas etapas distintas. O primeiro adestrador dos Pelicans foi Kari Eloranta, que é ademais o que máis tempo estivo á fronte do equipo de Lahti cun total de seis tempadas consecutivas entre a 1996-97 e a 2001-02. Con todo, foi con Kai Suikkanen cando o equipo logrou o seu mellor resultado histórico logo de proclamarse subcampión da máxima categoría do hóckey sobre xeo finlandés, a SM-liiga. A seguinte táboa mostra todos os adestradores do equipo dende 1996:^[1]

Adestradores dos Pelicans
Nome	Período
Kari Eloranta	1996-2002
Petteri Hirvonen	Tempadas 2002-03 ata 2003-04
Petteri Sihvonen	Tempada 2003-04
Petri Matikainen	Tempada 2004-05
Jami Kauppi	Tempada 2005-06
Hannu Aravirta	Tempadas 2005-06 a 2008-09
Mika Toivola	Tempadas 2009-10 a 2010-11
Pasi Räsänen	Tempada 2010-11
Kai Suikkanen	2011-2013
Hannu Aravirta	Tempada 2013-14
Tomi Lämsä	Tempada 2014-15
Petri Matikainen	2015-2018
Ville Nieminen	Tempada 2018-19 a 2019-20
Jesse Wellin	Tempada 2019-20
Tommi Niemelä	2020-

Lahti-Kiekon Hall of Fame[editar | editar a fonte]

O Lahti-kiekon Hall of Fame naceu en 2013 para homenaxear ás personalidades que realizaron unha maior achega ao hóckey sobre xeo na cidade de Lahti e de Finlandia. Inicialmente foron introducidos 15 nomes: Ilpo Koskela, Erkki Mononen, Seppo Liitsola, Teemu Hiltunen, Hannu Koskinen, Erkki Laine, Kari Eloranta, Jarmo Mäkitalo, Markku Hakulinen, Yrjö Hakulinen, Reijo Mäki-Korvela, Harri Nyman, Harri Toivanen, Juhani Jokela e Pentti E Rantanen.^[13] As persoas nomeadas para o Lahti-Kiekon Hall of Fame son escollidas por un comité integrado por persoas coñecedoras da historia e o presente do hóckey sobre xeo da cidade e do país. En 2019 estaba integrado polos seguintes nomes:^[14]

Notas[editar | editar a fonte]

↑ Erkki Laine tamén foi capitán do equipo en solitario durante catro tempadas, mais non compartiu a capitanía con ningún outro xogador.

Referencias

↑ ^1,0 ^1,1 ^1,2 ^1,3 "Historiaa" (en finés). Pelicans Lahti. Consultado o 9 de febreiro de 2019.
↑ "EBEL - So lief die erste Energy Steiermark Trophy in Graz!" (en alemán). eishockeyonline.at. Arquivado dende o orixinal o 13 de febreiro de 2019. Consultado o 12 de febreiro de 2019.
↑ "Pelicans Lahti. Name Changes" (en inglés). eurohockey.com. Consultado o 12 de febreiro de 2019.
↑ "Saapuminen hallille" (en finés). Pelicans.fi. Consultado o 18 de agosto de 2021.
↑ "ISKU AREENA Lahti" (en finés). luhy.fi. Consultado o 18 de agosto de 2021.
↑ "Isku Areena" (en finés). Cidade de Lahti. Consultado o 18 de agosto de 2021.
↑ eliteprospects.com (ed.). "Pelicans - Team Captaincy History" (en inglés). Consultado o 10 de febreiro de 2019.
↑ ^8,0 ^8,1 ^8,2 ^8,3 "Jäädytetyt numerot" (en finés). Pelicans. Consultado o 12 de febreiro de 2019.
↑ "Lahtelaisen jääkiekkolegendan patsas paljastetaan parin viikon kuluttua". Etelä-Suomen Sanomat (en finés). 13 de novembro de 2017. Consultado o 112 de febreiro de 2019.
↑ "Hannu Koskinen" (en inglés). eurohockey.com. Consultado o 12 de febreiro de 2019.
↑ "Erkki Laine" (en inglés). eurohockey.com. Consultado o 12 de febreiro de 2019.
↑ "Kari Eloranta" (en inglés). eurohockey.com. Consultado o 12 de febreiro de 2019.
↑ Rauhanlaakso, Esa (20 de novembro de 2013). "15 nimeä Lahti-kiekon Hall of Fameen". Etelä-Suomen Sanomat (en finés). Consultado o 8 de febreiro de 2019.
↑ "Lahti-Kiekon Hall of Fame" (en finés). Pelicans Lahti. Consultado o 8 de febreiro de 2019.

Véxase tamén[editar | editar a fonte]

Ligazóns externas[editar | editar a fonte]

Sitio web oficial dos Pelicans (en finés)
Ääriliike – Pelicans Lahti Supporters '05 (en finés)

[7] Erkki Laine tamén foi capitán do equipo en solitario durante catro tempadas, mais non compartiu a capitanía con ningún outro xogador.

[historia-1] 1,0 ^1,1 ^1,2 ^1,3 "Historiaa" (en finés). Pelicans Lahti. Consultado o 9 de febreiro de 2019.

[2] "EBEL - So lief die erste Energy Steiermark Trophy in Graz!" (en alemán). eishockeyonline.at. Arquivado dende o orixinal o 13 de febreiro de 2019. Consultado o 12 de febreiro de 2019.

[3] "Pelicans Lahti. Name Changes" (en inglés). eurohockey.com. Consultado o 12 de febreiro de 2019.

[4] "Saapuminen hallille" (en finés). Pelicans.fi. Consultado o 18 de agosto de 2021.

[5] "ISKU AREENA Lahti" (en finés). luhy.fi. Consultado o 18 de agosto de 2021.

[6] "Isku Areena" (en finés). Cidade de Lahti. Consultado o 18 de agosto de 2021.

[8] teprospects.com (ed.). "Pelicans - Team Captaincy History" (en inglés). Consultado o 10 de febreiro de 2019.

[numerot-9] 8,0 ^8,1 ^8,2 ^8,3 "Jäädytetyt numerot" (en finés). Pelicans. Consultado o 12 de febreiro de 2019.

[10] "Lahtelaisen jääkiekkolegendan patsas paljastetaan parin viikon kuluttua". Etelä-Suomen Sanomat (en finés). 13 de novembro de 2017. Consultado o 112 de febreiro de 2019.

[11] "Hannu Koskinen" (en inglés). eurohockey.com. Consultado o 12 de febreiro de 2019.

[12] "Erkki Laine" (en inglés). eurohockey.com. Consultado o 12 de febreiro de 2019.

[13] "Kari Eloranta" (en inglés). eurohockey.com. Consultado o 12 de febreiro de 2019.

[14] Rauhanlaakso, Esa (20 de novembro de 2013). "15 nimeä Lahti-kiekon Hall of Fameen". Etelä-Suomen Sanomat (en finés). Consultado o 8 de febreiro de 2019.

[15] "Lahti-Kiekon Hall of Fame" (en finés). Pelicans Lahti. Consultado o 8 de febreiro de 2019.

[1]

[2]

[3]

[4]

[5]

[6]

[a]

[7]

[8]

[9]

[10]

[11]

[12]

[13]

[14]

v c e Liiga
Equipos	HIFK HPK Ilves Jukurit JYP KalPa KooKoo Kärpät Lukko Pelicans SaiPa Sport Tappara TPS Ässät
Tempadas	1975-76 1976-77 1977-78 1978-79 1979-80 1980-81 1981-82 1982-83 1983-84 1984-85 1985-86 1986-87 1987-88 1988-89 1989-90 1990-91 1991-92 1992-93 1993-94 1994-95 1995-96 1996-97 1997-98 1998-99 1999-00 2000-01 2001-02 2002-03 2003-04 2004-05 2005-06 2006-07 2007-08 2008-09 2009-10 2010-11 2011-12 2012-13 2013-14 2014-15 2015-16 2016-17 2017-18 2018-19 2019-20 2020-21 2021-22 2022-23
Antigos equipos	Blues FoPS Jokerit Jokipojat KOOVEE TuTo
Estadios	Helsingin jäähalli (8 100) Ritari-areena (5 360) Nokia Arena (13 455) Kalevankankaan jäähalli (4 300) Synergia Areena (4 618) Kuopion jäähalli (5 225) Kouvolan jäähalli (6 000) Oulun jäähalli (6 614) Kivikylän Areena (5 400) Isku-areena (5 098) Lappeenrannan kisapuiston jäähalli (4 847) Vaasa Arena (3 800) Nokia Arena (13 455) Gatorade Center (11 820) Porin jäähalli (6 500)