Pedro Cañada Castillo

Na Galipedia, a Wikipedia en galego.
Saltar ata a navegación Saltar á procura
Pedro Cañada Castillo
Nacemento22 de febreiro de 1936
Lugar de nacementoCalzadilla
NacionalidadeEspaña
Ocupaciónpolítico e profesor universitario
editar datos en Wikidata ]

Pedro Cañada Castillo, nado en Calzadilla, Cáceres o 22 de febreiro de 1936, é un político e profesor universitario estremeño. Actualmente é o secretario xeral do partido Extremadura Unida.

Traxectoria[editar | editar a fonte]

Pedro Cañada Castillo foi un dos fundadores, ao inicio da Transición, do partido Acción Regional Extremeña, que pouco despois se integraría na coalición, logo partido político, Unión de Centro Democrático. Elixido senador por Cáceres pola UCD en 1977 e 1979,[1] deixou o partido, pasando do Grupo Centrista ao Mixto o 17 de novembro de 1979, para fundar Extremadura Unida.

Foi alcalde do seu concello natal, Calzadilla. Tamén foi Conselleiro de Educación na xunta pre-autonómica de Estremadura.

A súa carreira académica realizouna como profesor de Filosofía na Universidade Complutense de Madrid. Tamén foi director do Gabinete de Estudos e Actividades Culturais da Universidade Autónoma de Madrid. É Doutor en Filosofía pola Universidade de Friburgo (Suíza) na especialidade de ética social. Publicou en 1968 a súa tese doutoral titulada "Derecho al Error".

Notas[editar | editar a fonte]

  1. "Copia arquivada". Arquivado dende o orixinal o 14 de setembro de 2008. Consultado o 19 de febreiro de 2012.