Paul Bordeaux
| Biografía | |
|---|---|
| Nacemento | 12 de febreiro de 1846. París, Francia. |
| Morte | 14 de febreiro de 1925 (79 anos). París, Francia. |
| Cargos | |
| Presidente da Sociedade Francesa de Numismática | |
| Período | 1896 – 1898 |
| Antecesor | Marcel de Marchéville |
| Sucesor | Henri de Castellane |
| Período | 1905 – 1907 |
| Antecesor | Adrien Blanchet |
| Sucesor | Pierre Babut |
| Datos persoais | |
| País de nacionalidade | Francés. |
| Actividade | |
| Campo de traballo | Numismática, dereito. |
| Ocupación | numismático  |
| Membro de | Sociedade Francesa de Numismática. Sociedade Suíza de Numismática. Sociedade Real de Numismática de Bélxica. Sociedade Numismática Italiana Sociedade Nacional de Anticuarios de Francia. Sociedade Francesa de Arqueoloxía. |
Paul Bordeaux, nado en París o 12 de febreiro de 1846 e finado na mesma cidade o 14 de febreiro de 1925, foi un numismático francés.
Traxectoria
[editar | editar a fonte]Baul Bordeaux naceu en París o 12 de febreiro de 1846.[1] Seguindo a tradición paterna cursou estudos de Dereito, dos que se graduou cando tiña 20 anos.[2][3]
Logo da súa etapa formativa exerceu inicialmente como funcionario, chegando a ser secretario do presidente da República Jules Grévy, e despois como avogado.[2][3]
Paralelamente ao seu labor profesional, Bordeaux foi un notable numismático, especializado no estudo das moedas reais francesas, un tema sobre o que publicou diversos artigos, sobre todo na Revue numismatique e na Revue belge de numismatique.[3]
Bordeaux foi durante trinta anos un membro destacado da Sociedade Francesa de Numismática,[2] unha entidade que presidiu en dúas ocasións, entre 1896 e 1898, e entre 1905 e 1907,[4] e logo foi nomeado como presidente honorario. Ademais, casou coa filla de Émile Caron, quen coma el fora presidente e presidente honorario da Sociedade.[3]
Iguamente, foi membro da Sociedade Suíza de Numismática, que en 1904 o nomeou membro honorario,[3] e do mesmo xeito foi membro honorario da Sociedade Real de Numismática de Bélxica. Entre outras sociedades eruditas, pertenceu tamén á Sociedade Numismática Italiana, á Sociedade Nacional dos Anticuarios de Francia e á Sociedade Francesa de Arqueoloxía.[5]
Ao longo da súa vida, Bordeaux conformou unha importante colección de moedas e medallas francesas, que logo do seu falecemento foi vendida mediante poxa en París, en tres sesións entre 1926 e 1929.[6][7][8]
Baul Bordeaux finou repentinamente en París o 14 de febreiro de 1925.[1][3]
Escolma de publicacións
[editar | editar a fonte]- (1893). “Les monnaies de Trêves pendant la période carolingienne”. En Revue belge de numismatique. Vol. XLIX. Páxinas 279-343, 431-458.
- (1894). “Les monnaies de Trêves pendant la période carolingienne (suite et fin)”. En Revue belge de numismatique. Vol. L. Páxinas 5-26.
- (1898). “La numismatique du siège de Maestricht en 1794”. En Revue belge de numismatique. Vol. LIV. Páxinas 285-419.
- (1905). Les Ateliers monétaires de Toulouse et de Pamiers pendant la Ligue. Rollin et Feuardent, París.
- (1907). Une montre solaire en ivoire de 1563. París
- (1908). “Essai d’interprétation du mot FLAVIA figurant sur les triens des Rois Lombards, Astaulf, Didier et Charlemagne”. En Rivista Italiana di Numismatica. Vol. XXI. Páxinas 97-112.
- (1919). “Médailles franco-belges de l’ère républicaine et du début du XIXe siècle”. Revue belge de numismatique et de sigillographie. Vol. LXXI. Páxinas 75-109.
Notas
[editar | editar a fonte]- 1 2 "Paul Bordeaux (1846-1925)". Bibliothèque nationale de France (data.bnf.fr).
- 1 2 3 Dieudonné, A. (1925). Páxina 247.
- 1 2 3 4 5 6 Demole, E. (1925).
- ↑ "Les présidents de la SFN". Société_française_de_numismatique (Sfnumismatique.org).
- ↑ Dieudonné, A. (1925). Páxina 248.
- ↑ Feuardent (1926). Collection Paul Bordeaux. Première partie : Monnaies Françaises, Gauloises, Mérovingiennes, Carolingiennes et Capétiennes. París.
- ↑ Feuardent (1927). Collection Paul Bordeaux. Deuxième partie : Monnaies Françaises. París.
- ↑ Feuardent (1929). Collection Paul Bordeaux. Troisième partie : Monnaies et Médailles Françaises. París.
Véxase tamén
[editar | editar a fonte]Bibliografía
[editar | editar a fonte]- Dieudonné, A. (1925). "Nécrologie: Paul Bordeaux". En Revue numismatique. Tomo 28. Páxinas 247-248.
- Demole, E. (1925). "Paul Bordeaux". En Schweizerische numismatische Rundschau. Nº 24. Schweizerische Numismatische Gesellschaft. Páxina 3.
| Predecesor: Marcel de Marchéville Henri de Castellane |
Presidente da Sociedade Francesa de Numismática 1896-1898 1905-1907 |
Sucesor: Henri de Castellane Pierre Babut |