Patty Duke

Na Galipedia, a Wikipedia en galego.
Patty Duke
Patty Duke 1975.JPG
Duke en 1975
Nome completo Anna Marie Duke
Alcume/outros Patty Duke Astin
Anna Duke-Pearce
Nacemento 14 de decembro de 1946
Nova York
Falecemento 29 de marzo de 2016 (69 anos)
Os Ánxeles
Nacionalidade Estados Unidos de América Estados Unidos
Cónxuxe(s) Harry Falk (1965–69)
Michael Tell (1970; anulado)
John Astin (1972–85)
Michael Pearce (1986–actualidade)
Fillo(s) Sean Astin
Mackenzie Astin
Kevin Pearce
Profesión Actriz, escritora
http://www.officialpattyduke.com

Anna Marie "Patty" Duke, nada en Nova York o 14 de decembro de 1946 e finada nos Ánxeles o 29 de marzo de 2016[1] foi unha actriz estadounidense.

Traxectoria[editar | editar a fonte]

Duke naceu en Queens, filla menor de Frances McMahon e John Brock Duke. A súa infancia cos seus irmáns Raymond e Carol foi dura. O seu pai era alcohólico e a súa nai sufriu depresión clínica. Cando Duke tiña seis anos a súa nai botou o seu pai da casa e con seis deixouna ao coidado de John e Ethel Ross, que se converterían nos seus managers, promovéndoa como actriz infantil.

Os métodos dos Ross eran en ocasións explotadores e sen escrúpulos; dicían que Duke era dous anos máis novas do que realmente era e inchaban o seu currículo con créditos falsos.[2] Foi Ethel Ross quen ordenou o cambio de nome: "Anna Marie morreu; agora es Patty". Esperaban que "Patty Duke" duplicaría o éxito da actriz Patty McCormack.[3] Esta acción tería dorosas repercusións no futuro.[3]

Un dos primeiros traballos interpretativos de Duke foi na telenovela The Brighter Day, a finais da década de 1950. Tamén apareceu en anuncios. Aos doce anos gañou 32 000 dólares no programa The $64,000 Question.

O primeiro papel protagonista foi o de Helen Keller, con Anne Bancroft como Annie Sullivan na obra de Broadway The Miracle Worker, que durou dous anos. A obra foi adaptada no filme O milagre de Anna Sullivan, polo que Duke recibiu o Oscar á mellor actriz secundaria. Nese momento foi a persoa máis nova en gañar un Oscar nunha categoría competitiva.

En 1963 recibiu a súa propia serie, The Patty Duke Show, creado especialmente para ela por Sidney Sheldon. Sheldon pediu a Duke pasar unha semana coa súa familia para conseguir ideas. Nese momento non se sabía que Duke tiña desorde bipolar, mais Sheldon notou que a súa personalidade tiña distintas facetas, desenvolvendo o concepto das primas idénticas con personalidades opostas. A serie durou tres temporadas e foi revisitada en 1999 en The Patty Duke Show: Still Rockin' In Brooklyn Heights. Durante esta década tamén tivo unha carreira de éxito como cantante.

A pesar do éxito na súa carreira, Duke pasou os anos de adolescencia triste. Os Ross esforzábanse en mostrala como unha rapaza normal, mais ela indicou no seu libro de memorias Call Me Anna que era unha prisioneira deles e tiña pouco control sobre as súas ganancias. Os Ross controlábana a ela e a súa nai déixandolle só unha pequena cantidade de diñeiro para sobrevivir. Tamén comezaron a dar a Duke alcohol e drogras legais cando tiña trece anos; isto, xunto co seu trastorno bipolar sen diagnosticar contribuíu aos seus problemas de abuso de substancias. De adulta tamén acusou os Ross de abuso sexual. Cando cumpriu dezaoito anos quedou libre deles, descubrindo que gastaran a maior parte das súas ganancias, violando a Coogan Act.

En 1967 Duke intentou comezar a súa carreira como actriz adulta interpretando a Neely O'Hara en Valley of the Dolls. O filme foi un éxito, pero o público e a crítica tiveron dificultades para aceptar a adolescente Duke como cantante alcohólica e drogadicta. O filme case arruinou a súa carreira.

Volveu á televisión en 1970 e traballou especialmente no medio desde mediados da década de 1970 ata principios dos 2000. En 1990 interpretouse a ela mesma na versión televisia da súa autobiografía Call Me Anna.

Na década seguinte reduciu o seu traballo. En 2002 volveu ao teatro en Nova York e en 2007 apareceu en The Oprah Winfrey Show para falar do trastorno bipolar.

En maio de 2011 dirixiu unha versión teatral de The Miracle Worker en Interplayers Theater en Spokane, Washington.[4]

Filmografía[editar | editar a fonte]

Cinema
Ano Filme Personaxe Notas
1958 Country Music Holiday Sis Brand
1958 The Goddess Emily Ann Faulkner, aos 8 anos
1959 4D Man Marjorie Sutherland
1959 Happy Anniversary Debbie Walters
1962 O milagre de Anna Sullivan Helen Keller
1965 Billie Billie Carol
1966 The Daydreamer Thumbelina Voz
1967 Think Twentieth Ela mesma Curtametraxe
1967 Valley of the Dolls Neely O'Hara
1969 Me, Natalie Natalie Miller
1972 You'll Like My Mother Francesca Kinsolving
1978 O enxame Rita
1982 By Design Helen
1986 Willy/Milly Doris Niceman Títulos alternativos: I Was a Teenage Boy
Something Special
1992 Prelude to a Kiss Mrs. Boyle
1999 Kimberly Dr. Feinstenberger Título alternativo: Daddy Who?
2005 Bigger Than the Sky Mrs. Keene/Earlene
2006 Falling In Love With The Girl Next Door
2008 The Four Children of Tander Welch Susan Metler
2012 Amazing Love Helen
Televisión
Ano Título Personaxe Notas
1963–66 The Patty Duke Show Patty Lane/Cathy Lane 104 episodios
1967 O Virxiniano Sue Ann MacRae "Sue Ann" temporada 5, episodio 16
1970 My Sweet Charlie Marlene Chambers Telefilme
1971 If Tomorrow Comes Eileen Phillips Telefilme
1971 She Waits Laura Wilson Telefilme
1972 Deadly Harvest Jenny Telefilme
1973 Hawaii Five-O Toni Temporada 5, episodio 15 "Thanks for the Honeymoon"
1974 Nightmare Jan Telefilme
1975 Police Woman LaRue Collins Co seu entón marido John Astin na temporada 1 / Episodio 18 "Nothing Left to Lose"
1976 Look What's Happened to Rosemary's Baby Rosemary Woodhouse Telefilme
1976 Captains and the Kings Bernadette Hennessey Armagh Miniserie
1978 A Family Upside Down Wendy Telefilme
1978 Having Babies III Leslee Wexler
1979 Before and After Carole Matthews Telefilme
1979 The Miracle Worker Annie Sullivan Telefilme
1980 The Babysitter Liz Benedict Telefilme
1980 The Women's Room Lily Telefilme
1981 The Girl on the Edge of Town Martha Telefilme
1981 The Violation of Sarah McDavid Sarah McDavid Telefilme
1981 Please Don't Hit Me, Mom Barbara Reynolds Telefilme (co seu fillo, Sean Astin)
1982 It Takes Two Molly Quinn Serie de televisión
1983 September Gun Sister Dolcina Telefilme
1984 Best Kept Secrets Laura Dietz Telefilme
1984 Insight Sen nome Episodio: The Hit Man
1984 George Washington Martha Washington Miniserie
1985 Hail to the Chief President Julia Mansfield Serie de televisión
1986 A Time to Triumph Concetta Hassan Docudrama
1987 Fight for Life Shirley Abrams Docudrama
1987 Karen's Song Karen Matthews
1988 Fatal Judgement Anne Capute Telefilme
1990 Always Remember I Love You Ruth Monroe Telefilme
1990 Call Me Anna Ela mesma Docudrama
1991 A Killer Among Friends Jean Monroe Telefilme
1991 The Torkelsons Wesley Hodges' daughter-in-law 1 episodio ("Return to Sender")
1991 Absolute Strangers Judge Ray Docudrama
1992 Last Wish Betty Rollin Docudrama
1993 A Matter of Justice Mary Brown Docudrama
1994 Cries from the Heart Terry Wilson Telefilme
1995 When the Vows Break Barbara Parker Docudrama
1995 Amazing Grace Hannah Miller 5 episodios
1996 Harvest of Fire Annie Beiler Telefilme
1996 Race Against Time: The Search for Sarah Natalie Telefilme
1997 A Christmas Memory Sook Faulk Telefilme
1997 Frasier Caller 1 episodio
1998 The Patty Duke Show: Still Rockin' in Brooklyn Heights Patty Lane/Cathy Lane MacAllister Telefilme
1998 The Disappearing Act Faye Dolan Telefilme
1998–2003 Touched by an Angel Jean 3 episodios
1999 A Season for Miracles Angel Telefilme
2000 Miracle on the Mountain: The Kincaid Family Story Anne Kincaid Docudrama televisivo
2002 Little John Sylvia Telefilme
2004 Murder without Conviction Mother Joseph Telefilme
2004 Judging Amy Valerie Bing 1 episodio
2006 Falling in Love with the Girl Next Door Bridget Connelly Telefilme
2009 Love Finds a Home Mary Watson Telefilme
2010 Unanswered Prayers Irene Telefilme
2011 Hawaii 5-0 Sylvia Spencer 1 episodio
2013 Glee Jan 1 episodio
2015 Liv and Maddie Avoa 1 episodio

Notas[editar | editar a fonte]

  1. [1]
  2. "TV Preview: Patty Duke pairs off again as 'Identical cousins'". Pittsburghpostgazette.com. 27 de abril de 1999. Consultado o 4 de agosto de 2010. 
  3. 3,0 3,1 "Biography". Officialpattyduke.com. Consultado o 4 de agosto de 2010. 
  4. Jim (7 de maio de 2011). "Review of Duke-directed 'Miracle Worker' - Spotlight - Spokesman.com - May 7, 2011". Spokesman.com. Consultado o 3 de febreiro de 2013. 

Véxase tamén[editar | editar a fonte]

Ligazóns externas[editar | editar a fonte]