Saltar ao contido

Patti Page

Na Galipedia, a Wikipedia en galego.
Modelo:BiografíaPatti Page

Editar o valor en Wikidata
Biografía
Nacemento(en) Clara Ann Fowler Editar o valor en Wikidata
8 de novembro de 1927 Editar o valor en Wikidata
Claremore, Estados Unidos de América Editar o valor en Wikidata
Morte1 de xaneiro de 2013 Editar o valor en Wikidata (85 anos)
Encinitas, Estados Unidos de América Editar o valor en Wikidata
Causa da mortedoenza Editar o valor en Wikidata
Lugar de sepulturaCalifornia Editar o valor en Wikidata
Outros nomesPatti Page Editar o valor en Wikidata
EducaciónWebster High School Editar o valor en Wikidata
Actividade
Campo de traballoComposición musical e artes escénicas Editar o valor en Wikidata
Ocupacióncantante, cantautora, artista discográfico Editar o valor en Wikidata
Período de actividade1946 Editar o valor en Wikidata - 2012 Editar o valor en Wikidata
Xénero artísticoMúsica pop tradicional e Música country Editar o valor en Wikidata
TesituraContralto Editar o valor en Wikidata

InstrumentoVoz Editar o valor en Wikidata
Selo discográficoMercury Records
Epic Records
Columbia Records
Philips Editar o valor en Wikidata
Premios
Descrito pola fonteObálky knih, Editar o valor en Wikidata
Sitio weblast.fm… Editar o valor en Wikidata
IMDB: nm0656303 BNE: XX1741482 Spotify: 4nZN9kln8toEzOifhWG2uF iTunes: 52114 Last fm: Patti+Page Musicbrainz: 46bd1529-4301-4d10-9124-17d9e858034e Songkick: 428377 Discogs: 57628 Allmusic: mn0000747506 WikiTree: Fowler-14371 Find a Grave: 103010674 Deezer: 12330 Genius: Patti-page Editar o valor en Wikidata

Clara Ann Fowler, nada en Claremore, Oklahoma, o 8 de novembro de 1927 e finada en Encinitas, California o 1 de xaneiro de 2013, foi unha cantante estadounidense máis coñecida polo seu nome artístico Patti Page. Destacou principalmente como cantante de música pop e |country, sendo a vocalista e artista feminina que máis vendeu na década de 1950,[1] con máis de 100 millóns de discos vendidos ao longo dunha carreira de seis décadas.[2] A miúdo presentábana como "the Singin' Rage, Miss Patti Page". O disc-jockey WNEW de Nova York William B. Williams presentouna como "Unha páxina da miña vida chamada Patti".

Traxectoria

[editar | editar a fonte]

Page asinou con Mercury Records en 1947,[1] e converteuse na súa primeira artista feminina de éxito, comezando por "Confess" en 1948.[3] En 1950, tivo o seu primeiro sinxelo cun millón de copias, "With My Eyes Wide Open, I'm Dreaming",[4] e finalmente publicou outros catorce sinxelos con millóns de vendas entre 1950 e 1965.

A canción distintiva de Page, "Tennessee Waltz", foi un dos sinxelos máis vendidos do século XX, e hoxe é recoñecida como unha das cancións oficiais do estado de Tennessee. Pasou 13 semanas na lista dos máis vendidos da Billboard en 1950/51. Page tivo outros tres sinxelos de éxito número un entre 1950 e 1953, "All My Love (Bolero)", "I Went to Your Wedding" e "(How Much Is) That Doggie in the Window?".

A diferenza da maioría das outras cantantes pop, Page mesturaba estilos de música country en moitas das súas cancións. Como resultado deste atractivo cruzamento, moitos dos sinxelos de Page apareceron no Billboard Country Chart. Na década de 1970, cambiou o seu estilo máis cara á música country e comezou a ter aínda máis éxito nas listaxes deste xénero, chegando a ser unha das poucas vocalistas que apareceu na listaxe en cinco décadas distintas.

Co auxe do rock and roll na década de 1950, as vendas de discos de música popular comezaron a diminuír. Page estivo entre os poucos cantantes populares que lograron manter a súa popularidade, e continuou a ter éxitos ata ben entrada a década de 1960, con "Old Cape Cod", "Allegheny Moon", "A Poor Man's Roses (or a Rich Man's Gold)" e "Hush, Hush, Sweet Charlotte".

En 1997, Patti Page entrou no Oklahoma Music Hall of Fame. En 2013 recibiu a título póstumo o Premio Grammy á Traxectoria.

Page valeceu na Seacrest Village Retirement Community de Encinitas, California,[5] aos 85 anos.[6] Foi soterrada en El Camino Memorial Park de San Diego.[7]

Discografía

[editar | editar a fonte]

Notas

[editar | editar a fonte]
  1. ↑ 1,0 1,1 Bush, John. "Patti Page biography". Allmusic. Consultado o 23 de xullo de 2008. 
  2. ↑ "Patti Page was a 'Singing Rage' in a phenomenal six-decade career". South Coast Today. 17 de febreiro de 1999. Arquivado dende o orixinal o 18 de outubro de 2015. Consultado o 23 de xullo de 2008. 
  3. ↑ "Contemporary musicians – Patti Page biography". Contemporary Musicians. End Notes.com. Arquivado dende o orixinal o 13 de agosto de 2009. Consultado o 23 de xullo de 2008. 
  4. ↑ Murrells, Joseph (1978). The Book of Golden Discs (2nd ed.). Londres: Barrie and Jenkins Ltd. p. 48. ISBN 0-214-20512-6. 
  5. ↑ Villasenor, David (22 de xullo de 2012). "Singer Patti Page Dead at 85 | NBC Southern California". NBC Los Angeles. Consultado o 2 de xaneiro de 2013. 
  6. ↑ "Patti Page". Telegraph. 2013-01-03. Arquivado dende o orixinal o 12 de xaneiro de 2022. Consultado o 2013-05-19. 
  7. ↑ Stine, Rachel (10 de xaneiro de 2013). "Friends recall fond memories of singer Patti Page". Thecoastnews.com. 

Véxase tamén

[editar | editar a fonte]

Ligazóns externas

[editar | editar a fonte]
Traído desde «https://gl.wikipedia.org/w/index.php?title=Patti_Page&oldid=6891382»