Saltar ao contido

Patrimonio da Humanidade en Papúa-Nova Guinea

Na Galipedia, a Wikipedia en galego.
Localización dos sitios de Papúa-Nova Guinea na lista do Patrimonio Mundial.

O Patrimonio da Humanidade da Organización das Nacións Unidas para a Educación, a Ciencia e a Cultura (UNESCO) componse de lugares de importancia para o patrimonio cultural ou natural descritos na Convención do Patrimonio Mundial da UNESCO, estabelecida en 1972.[1] O patrimonio cultural está formado por monumentos (como obras arquitectónicas, esculturas monumentais ou inscricións), grupos de edificios e ruínas (incluíndo sitios arqueolóxicos). As paisaxes naturais (constituídas por formacións físicas e biolóxicas), as formacións xeolóxicas e fisiográficas (incluíndo os hábitats de especies de animais e plantas ameazadas) e os lugares naturais que son importantes dende o punto de vista da ciencia, a conservación ou a beleza natural, defínense como patrimonio natural.[2] Esta é unha lista do Patrimonio da Humanidade en Papúa-Nova Guinea, especificamente clasificada pola UNESCO e elaborada de acordo con dez criterios principais, cuxos puntos son xulgados por especialistas na área. Papúa-Nova Guinea ratificou a convención o 28 de xullo de 1997, convertendo os seus lugares en elixíbeis para a súa inclusión na lista.[3]

O sitio da antiga área agrícola de Kuk foi o primeiro lugar de Papúa-Nova Guinea incluído na lista do Patrimonio Mundial da UNESCO en ocasción da 32ª Sesión do Comité do Patrimonio Mundial, realizada en Quebec (no Canadá) en 2008.[4] Dende entón, Papúa-Nova Guinea conta cun só sitio clasificado como Patrimonio da Humanidade, sendo este de clasificación cultural.

Lista de lugares Patrimonio da Humanidade

[editar | editar a fonte]
Nome: segundo aparece no Comité do Patrimonio da Humanidade
Rexión: de Papúa-Nova Guinea
Ano da inclusión: na lista da UNESCO
Datos da UNESCO: o número de referencia do sitio; o ano en que o xacemento foi inscrito na Lista do Patrimonio Mundial; os criterios nos que apareceu: os criterios de (I) a (VI) son culturais, mentres que de (VII) a (X) son naturais.[5]
Nº Nome Imaxe Localización Ano da inclusión Datos da UNESCO Descrición
01 Antiga área agrícola de Kuk Enga 2008 887; III, IV, VI (cultural) O sitio agrícola temperán de Kuk é unha zona de pantano de 116 ha nas Terras Altas de Nova Guinea, a uns 1500 m sobre o nivel do mar. As escavacións arqueolóxicas atoparon evidencias de asentamentos humanos continuos durante entre 7.000 e 10.000 anos. Isto inclúe hai 6.500 anos, cando se desenvolveu a agricultura en Nova Guinea. Os achados arqueolóxicos proporcionaron evidencias de cambios nas prácticas agrícolas, incluíndo a escavación de gabias e a creación de sistemas de drenaxe, evidenciando o desenvolvemento independente da agricultura.[6]

Notas

[editar | editar a fonte]
  1. ↑ UNESCO, ed. (21 de novembro de 1972). "Convención para a Protección do Patrimonio Mundial, Cultural e Natural" (PDF).
  2. ↑ "Convention Concerning the Protection of the World Cultural and Natural Heritage". UNESCO World Heritage Centre. Arquivado dende o orixinal o 1 de febreiro de 2021. Consultado o 3 de febreiro de 2021.
  3. ↑ UNESCO (ed.). "Papúa-Nova Guinea na UNESCO".
  4. ↑ UNESCO (ed.). "32nd session of the World Heritage Committee".
  5. ↑ "UNESCO World Heritage Centre – The Criteria for Selection". UNESCO World Heritage Centre. Arquivado dende o orixinal o 12 de xuño de 2016. Consultado o 17 de agosto de 2018.
  6. ↑ "Levuka Historical Port Town" (en inglés). UNESCO World Heritage Centre. Arquivado dende o orixinal o 13 de xuño de 2022. Consultado o 4 de agosto de 2025.

Véxase tamén

[editar | editar a fonte]

Outros artigos

[editar | editar a fonte]
Obtido de «https://gl.wikipedia.org/w/index.php?title=Patrimonio_da_Humanidade_en_Papúa-Nova_Guinea&oldid=7388397»