Paso de San Gotardo

Na Galipedia, a Wikipedia en galego.
Saltar ata a navegación Saltar á procura

Coordenadas: 46°33′33″N 8°33′42″L / 46.55917, -8.56167

Vista sur do paso de San Gotardo

O paso de San Gotardo (en alemán, Gotthardpass; en italiano, Passo del San Gottardo) é un porto de montaña situado a 2 109 m de altitude en Suíza, entre Andermatt (Uri) e Airolo (Tesino) nos Alpes lepontinos, que conecta a parte setentrional (xermanófona) de Suíza coa parte meridional (italoparlante) de Tesino, e a ruta cara a Milán.

Historia[editar | editar a fonte]

Aínda que o paso coñecíase na antigüidade, non se empregou amplamente até principios do século XIII, porque comportaba vadear o turbulento río Reuss, crecido coas neves fundidas durante o principio do verán, na empinada Garganta de Schöllenen. As mortes por afogamento no paso incrementábanse en abril e maio, segundo os antigos relatos das vilas próximas.

Lendas[editar | editar a fonte]

Vista desde o oeste do paso de San Gotardo

A "Ponte do Demo" (Teufelsbrücke, en alemán) construíuse nunhas condicións tan adversas que as lendas en torno á súa construción forman por si soas unha categoría completa no sistema de clasificación Aarne-Thompson para lendas populares (número 1191).[1]

O río Reuss era tan difícil de vadear, que un pastor suízo desexou que o Diabo construíra unha ponte. O Diabo apareceu, pero pediu ser o primeiro en cruzalo. O montañés estivo de acordo, pero fíxolle ao Diabo o regalo duna cabra polo seu traballo, sendo esta a primeira en cruzar a ponte e non o propio Diabo.[2] Enfadado por esta afronta, o Diabo desprendeu unha rocha para lanzala contra a ponte e destruíla, pero unha anciá debuxou unha cruz na rocha, de maneira que o Diabo non puido sostela.

A rocha está aínda alí, e en 1977 gastáronse 300 000 francos suízos para mover a rocha, de 220 t e 127 m, para facer espazo para o túnel de San Gotardo.

Nome[editar | editar a fonte]

O paso dedicouse en 1236 a San Gotardo de Hildesheim (960–1038), abade de Hersfeld, e máis tarde bispo de Hildesheim (1022). Fillo do arcebispo Federico de Salzburgo, Gotardo foi o abade do mosteiro beneditino de Nieder Altaich en 996 e reformou outros mosteiros baixo o padroado de Henrique II do Sacro Imperio Romano Xermánico. Seu hospital para viaxeiros de San Moritz, cerca de Hildesheim, faríase famoso.[3]

Unha capela dedicada a San Gotardo (falecido en 1038, canonizado en 1131), que é considerado o patrón dos pasos de montaña, foi construída na vertente sur do paso e consagrada polo arcebispo de Milán en 1230.[3]

Túneles feroviarios e de estrada[editar | editar a fonte]

Estrada nacional 2 descendendo cara a Airolo

O túnel ferroviario de San Gotardo, aberto en 1882 para el tránsito ferroviario co custe de 177 vidas de traballadores, substituíu o antigo paso de carruaxes.[4] Un túnel por estrada de 17 km abriuse en 1980, cun número menor de mortos (53). O 1 de xuño de 2016 inaugurouse o túnel de base de San Gotardo, un segundo túnel ferroviario de 57 km, que fai del o túnel ferroviario máis longo do mundo. As autoridades suízas esperaban que se produciran menos de dez mortes nos traballos de construción, sendo finalmente oito o número de traballadores mortos durante os traballos de escavación.

Este túnel, combinado con dous túneles máis curtos que se planea se constrúan cerca de Zúric e Lugano, reducirán nunha hora a viaxe en tren de Zúric a Milán, que na actualidade dura tres horas e 40 minutos, ademais de incrementar o número e o tamaño dos trens que poden operar nesta ruta.

Galería[editar | editar a fonte]

"The Gotthard Post" (óleo sobre lenzo, por Rudolf Koller, 1874) 
"Winterreise 1790 über den Gotthard" (gravado en cor de Wilhelm Rothe segundo debuxo de Johann Gottfried Jentzsch, 1790) 
"Construción da ponta do Diabo" (óleo sobre lenzo, por Carl Blechen, ca. 1833) 
"O Teufelsbrücke, San Gotardo" (óleo sobre lenzo, por J. M. W. Turner ca. 1803/04) 
"O mariscal de campo Alexander Suvorov cruzando o paso do San Gotardo en 1799" (por Alexander von Kotzebue) 

Notas[editar | editar a fonte]

  1. The Devil's Bridge: Folktales of Aarne-Thompson Type 1191.
  2. The Legend of the Devil's Bridge, Switzerland.
  3. 3,0 3,1 Bruno Meier (2015): Von Morgarten bis Marignano. Was wir über die Entstehung der Eidgenossenschaft wissen. Zúric: Hier und Jetzt. ISBN 978-3-0391-9233-5, p. 23.
  4. Gotthardbahn no Dicionario histórico de Suíza (en alemán), (en francés), (en italiano).

Véxase tamén[editar | editar a fonte]

Bibliografía[editar | editar a fonte]

Ligazóns externas[editar | editar a fonte]