O Partido Riojano (PR) é un partido rexionalista español de centro que actúa na comunidade autónoma da Rioxa. Fundouse o 6 de decembro de 1982 co nome de Partido Riojano Progresista. Presentouse por vez primeira nunhas eleccións nas autonómicas e locais de 1983 conseguindo 2 deputados autonómicos e 19 alcaldías e 99 concelleiros. En febreiro de 1984 celebrou o seu I Congreso Constituínte elixindo como presidente a Rubén García Marañón. No III Congreso celebrado en 1990 adoptou o seu actual nome. En 1991 entrou no goberno autonómico. Miguel González Legarra é o seu actual presidente. Na actualidade o PR conta con 9 alcaldes e 66 concelleiros.
