O Partido Popular Alemán (en alemán: Deutsche Volkspartei, DVP) foi un partido liberal nacionalista fundado por membros do vello Partido Liberal Nacional ao formarse a República de Weimar. Dirixido por Gustav Stresemann gradualmente dirixiuno cara a unha cooperación cos partidos do centro e a esquerda, despois da súa morte en 1929 o partido adoptou posicións máis á dereita. O DVP aceptou a forma republicana de goberno malia que entre boa parte dos seus militantes o sentimento monárquico tiña gran peso e opúxose ao Tratado de Versalles. En 1933 as autoridades nazis disolveron o partido.
