Parque Nacional de Lahemaa

Parque Nacional de Lahemaa

Tipo	espazo natural protexido
Localización
División administrativa	Kuusalu, Estonia, concello rural de Haljala, Estonia e concello rural de Kadrina, Estonia
59°34′16″N 25°48′01″L
Características
Superficie	748 km²
Parque nacional de Estonia
World Database on Protected Areas
Identificador	1646
Historia
Data de creación ou fundación	1 de xuño de 1971

O Parque Nacional de Lahemaa (estoniano: Lahemaa rahvuspark) é un parque nacional que se atopa na zona norte de Estonia, a uns 70 km ao leste de Talín. Limita ao norte co golfo de Finlandia e coa a autoestrada de Tallin-Narva (E20) ao sur. A súa área abrangue 747 km² (incluíndo 274,9 km² de mar). Foi a primeira zona designada como parque nacional da antiga Unión Soviética. É o parque máis grande de Estonia e un dos maiores parques nacionais de Europa. A súa carta reclama a preservación, a investigación e a promoción das paisaxes, dos ecosistemas, da biodiversidade e do patrimonio nacional do norte de Estonia.

Historia

O nome Lahemaa procede da parte máis estudada e visitada da costa norte de Estonia, onde catro grandes penínsulas (Juminda, Pärispea, Käsmu e Vergi) están separadas entre si por catro baías (Kolga, Hara, Eru e Käsmu). Lahemaa tradúcese aproximadamente como "terra de baías".

O parque nacional, establecido en 1971, é un dos principais atractivos turísticos de Estonia. Varias empresas ofrecen paquetes turísticos dun día desde Talín, mentres que moitas persoas conducen por si mesmas.

Con bosques que cobren máis do 70% de Lahemaa, a zona é rica en flora e fauna. A paisaxe ten moitas turbeiras elevadas, incluída a reserva Laukasoo de 7 000 anos. O parque, marcado por varios camiños, está repleto de fauna, entre a que se contan xabarís, corzos, lobos, osos e linces. A costa está cuberta de rochas e pedras, utilizadas cada ano polos grous como parada no seu camiño cara ao Bósforo e Exipto.

Hai catro mansións situadas no parque nacional: a mansión de Palmse, a pintoresca mansión de Vihula, a mansión de Kolga e a mansión barroca de Sagadi, a mansión máis visitada de Estonia que, xunto coas outras tres, forman un dos grupos de mansións máis insólitas do país.

Antes de 1991, a Unión Soviética tiña unha gran base submarina secreta en Hara. A base foi construída na década de 1950 durante o apoxeo da guerra fría. As ruínas desta antiga base submarina soviética atópanse agora enteiramente en Lahemaa, preto do faro de Lahemaa.

Galería

• 
  Illa de Hara.
• 
  Río Altja.
• 
  Parada de bus de Kiiu-Aabla.
• 
  Pedra Majakivi.
• 
  Río Valgejõgi.
• 
  Río Joaveski.
• 
  Turbeira de Viru.
• 
  Vivenda tradicional, en madeira e palla.
• 
  Mansión de Palmse.
• 
  Turbeira de Viru.
• 
  Turbeira de Viru no inverno.
• 
  Antiga base submarina soviética.
• 
  Bloques erráticos preto da vila de Pärispea.

Véxase tamén

Outros artigos

• Áreas protexidas de Estonia