Na Galipedia, a Wikipedia en galego.
O Parque Nacional de Karula (estoniano : Karula rahvuspark parque nacional que se atopa na zona sur de Estonia . Estableceuse en 1979 como área protexida e en 1993 converteuse nun parque nacional. É o parque nacional máis pequeno de Estonia.[ 1]
O parque está situado nos concellos rurais de Antsla e Rõuge (no condado de Võru ) e no concello rural de Valga (no condado de Valga ). O parque abarca case un terzo das terras altas de Karula e caracterízase pola súa topografía montañosa, numerosos lagos , gran biodiversidade e paisaxe cultural tradicional. A flora do parque nacional é rica, e inclúe varias especies listadas en perigo en Estonia, como a orquídea do Báltico , a Daphne mezereum e o fento Botrychium matricariifolium ; este último só se atopa en tres localidades de Estonia, e Karula é unha delas. A fauna inclúe tamén especies pouco comúns e ameazadas, como o morcego Myotis dasycneme , a aguia pomarina e a cegoña negra . Entre os mamíferos destacan os alces , os linces e os furóns .[ 2]
