Parque Nacional Bialowieza

O Parque nacional Bialowieza atópase no leste de Polonia, próximo á fronteira con Belarús.

Características

Existen importantes masas de bosque primario, non afectado pola influencia humana. Estas forestas conteñen unha gran variedade de especies: dende coníferas coma o abeto e o piñeiro rubio ata especies caducifolias coma o freixo, o carballo común e o lamigueiro. O parque nacional foi creado no 1932 e conta cunha superficie de 10.500 hectáreas. Posteriormente, no 1977, a área foi declarada reserva da biosfera.

Fauna

A especie emblemática do parque é o bisonte europeo (bison bonasus bonasus). Trala súa extinción en estado salvaxe, foi reintroducido na zona no 1929 e hoxe conta cunha importante poboación. Tamén podemos atopar o cervo, o castor e o lince común. Entre as aves, salientan o grévol, a aguia pomerana e a cegoña negra.

Véxase tamén

Ligazóns externas

• Web oficial do parque (en inglés).