A pardela cinsenta mediterránea[1][2] ou pardela cincenta mediterránea[3][4] (Calonectris diomedea) é unha ave mariña da familia Procellariidae.
Esta pardela grande voa a bastante pouca altura, ás veces preto da costa, en pequenos grupos; con fortes ventos, voa moi ben. É abondosa no sur de Europa e fronte ao noroeste de África. No Mediterráneo, é bastante frecuente no verán, en illas e farallóns.
Preto das zonas de aniñamento, cando volta aos seus niños de noite, emite uns sons nasais e guturais até sobre poboacións, como Funchal en Madeira.
Sobre todo en mar a fóra, pero ás veces en baías amplas ou preto das costas en cabos e illas. Fóra da estación de cría, fronte ao oeste de Irlanda, norte de Francia e suroeste de Inglaterra.
.jpg?lang=gl)
