Paradoxurus

Na Galipedia, a Wikipedia en galego.
Saltar ata a navegación Saltar á procura

Paradoxurus[1]
Paradox hermaph 060924 ltn.jpg
A civeta asiática Paradoxurus hermaphroditus
Clasificación científica
Reino: Animalia
Filo: Chordata
Clase: Mammalia
Orde: Carnivora
Suborde: Feliformia
Familia: Viverridae
Subfamilia: Paradoxurinae
Xénero: Paradoxurus
Cuvier, 1822
Paradoxurus ranges

Paradoxurus ranges
Especies

ver táboa

Paradoxurus é un xénero de mamíferos da familia dos vivérridos que foi nomeada e descrita primeiramente por Frédéric Cuvier en 1822.[2] As especies de Paradoxurus teñen unha cabeza ancha, fociño estreito cun longo rinario que está profundamente asucado no medio. As súas longas orellas son arredondadas no extremo. O rabo é case tan longo coma a cabeza e o corpo.[3]

Características[editar | editar a fonte]

As especies de Paradoxurus teñen unha cabeza ancha, un fociño estreito cun gran rinario que ten un sulco profundo no medio. As orellas son grandes e de puntas arredondadas, as cristas internas e as bolsas están ben desenvolvidas. O cranio mostra un marcado moldeado muscular, e a área postorbital está profundamente constrinxida un pouco detrás dos ben desenvolvidos procesos postorbitais. É considerablemente máis estreito que a área interorbital e que o fociño por encima dos dentes caninos. A fórmula dental é 3.1.4.23.1.4.2. O padal por detás non cobre a metade anterior da fosa mesopterigoide e é plano e está expandido entre os dentes posteriores da zona da meixela. O rabo é case tan longo coma a cabeza e o corpo, ás veces bastante longo e dunhas seis veces a lonxitude dos pés posteriores.[3]

Taxonomía[editar | editar a fonte]

En 2005 este xénero definiuse comprendendo tres especies nativas do sueste de Asia:[1]

Nome Imaxe Distribución
P. hermaphroditus (Pallas, 1777)[4] Asian Palm Civet (14157389395).jpg Asian Palm Civet area.png
P. zeylonensis Pallas, 1778[5] Paradoxurus zeylonensis 2.jpg Sri Lanka
P. jerdoni Blanford, 1885[6] Brown palm civet.jpg Ghats Occidentais, India

En 2009 propúxose incluír tamén o Paradoxurus aureus, Cuvier, 1822 (civeta dourada de zonas húmidas), o Paradoxurus montanus, Kelaart, 1852 e o Paradoxurus stenocephalus, Groves et al. (civeta dourada de zonas secas), 2009, que son endémicos de Sri Lanka.[7] Porén, un estudo posterior atopou moi pouca diversidade xenética e ningunha estrutura xeográfica nas civetas douradas e non apoiaba a separación proposta. A P. hermaphroditus comprende tres grandes clados que deberían recoñecerse como especies separadas: concretamente unha no subcontinente indio e o sueste asiático, outra en Sumatra, Xava e outras pequenas illass e a terceira nas Filipinas e as illas Mentawai.[8]

Notas[editar | editar a fonte]

  1. 1,0 1,1 Wozencraft, W.C. (2005). "Order Carnivora". En Wilson, D.E.; Reeder, D.M. Mammal Species of the World: A Taxonomic and Geographic Reference (en inglés) (3ª ed.). Johns Hopkins University Press. pp. 550–551. ISBN 978-0-8018-8221-0. OCLC 62265494. 
  2. Cuvier, F. (1822). "Du genre Paradoxure et de deux espèces nouvelles qui s'y rapportent". Mémoires du Muséum d'Histoire Naturelle Paris 9: 41–48. 
  3. 3,0 3,1 Pocock, R. I. (1939). "Paradoxurus". The Fauna of British India, including Ceylon and Burma. Mammalia. Volume 1. London: Taylor and Francis. pp. 379–415. 
  4. Pallas, P. S. (1778). "Das Zwitterstinkthier". En Schreber, J. C. D. Die Säugethiere in Abbildungen nach der Natur, mit Beschreibungen. Erlangen: Wolfgang Walther. p. 426. 
  5. Pallas, P. S. (1778). "Der Boshond". En Schreber, J. C. D. Die Säugethiere in Abbildungen nach der Natur, mit Beschreibungen. Erlangen: Wolfgang Walther. p. 451. 
  6. Blanford, W. T. (1885). "A Monograph of the Genus Paradoxurus, F. Cuvier". Proceedings of the Zoological Society of London 53 (4): 780–808. doi:10.1111/j.1096-3642.1885.tb02921.x. 
  7. Groves, C. P.; Rajapaksha, C.; Mamemandra-Arachchi, K. (2009). "The taxonomy of the endemic golden palm civet of Sri Lanka" (PDF). Zoological Journal of the Linnean Society 155: 238–251. doi:10.1111/j.1096-3642.2008.00451.x. 
  8. Veron, G.; Patou, M.-L.; Tóth, M.; Goonatilake, M.; Jennings, A. P. (2014). "How many species of Paradoxurus civets are there? New insights from India and Sri Lanka". Journal of Zoological Systematics and Evolutionary Research 53 (2): 161–174. doi:10.1111/jzs.12085. 

Véxase tamén[editar | editar a fonte]

Ligazóns externas[editar | editar a fonte]

  • "Paradoxurus". ASM Mammal Diversity Database. American Society of Mammalogists. Retrieved 3 June 2019.