Panxaquent (en taxico Панҷакент; en persa پنجکنت; en ruso Пенджикент), (pode que apareza escrito Panjakent ou Panjikent, pero estas formas son calcos doutras linguas) é unha cidade na provincia de Sogdiana (Sughd), Tadjiikistán sobre o río Zeravxán (Zeravshan), con 33.000 habitantes segundo o censo do ano 2000.
Panxaquent capital do Distrito do mesmo nome na provincia de Sogdiana (Sughd), do taxico Панҷакент e este do persa پنجکنت (Panjakent). Pode aparecer coma a denominación rusa Panjikent que vén do uzbeko.
As ruínas da cidade de Panxaquent atópanse na periferia da cidade que conserva o seu nome actual en Tadjiikistán, a uns 10km ao oeste da actual fronteira entre o Tadjiikistán e o Uzbekistán, bastante próxima á célebre cidade hoxe uzbeka de Samarcanda (58,5km ao leste da mesma), co seu centro na marxe esquerda (sur) do mesmo río que atravesa a Samarcanda: o río Kara, no estreito val do mesmo río ao pé do somonte setentrional dos montes Zeravxán (montes Zeravshan). As coordenadas xeográficas de Panxaquent son: 39°29′00″N 67°36′00″L / 39.48333, -67.60000 e a súa posición respecto á principal cidade de Tadjiikistán, Duxambé, é de 144km en liña recta ao NO, pero as rutas terrestres son moito máis prolongadas debido a que diversas cordilleiras separan a Panxaquent de Duxambé.
Nota Bene: A denominación máis frecuente que aparecen en moitas enciclopedias é Panjikand (en uzbeko) aínda que en taxico é máis usual a forma Panjakent, e desta lingua pois por tradición e cultura taxico-persa é de onde se toma a palabra en galego.
.jpg)
