Paleópteros
| Paleópteros | |||||||||||||
|---|---|---|---|---|---|---|---|---|---|---|---|---|---|
| Palaeoptera Andrei Vasiliévich Martynov 1923  | |||||||||||||
| |||||||||||||
| |||||||||||||
| Clasificación taxonómica | |||||||||||||
| |||||||||||||
| |||||||||||||
| |||||||||||||
| Wikidata C:Commons | |||||||||||||
Os paleópteros (Palaeoptera) son un grupo de insectos que comprende tres superordes, e inclúe as efémeras e libélulas. O nome Palaeoptera foi tradicionalmente aplicado aos grupos ancestrais de insectos alados (a maioría deles extinguidos) que carecían da capacidade de pregar as ás sobre o abdome, o que é característico de Neoptera. Nos Diaphanopterodea, que son insectos paleópteros, evolucionou de forma independente e singular un mecanismo diferente de pregamento das ás. Tanto as efémeras coma as libélulas carecen dos centros do olfacto no cerebro que se encontran en Neoptera.[1]
Status disputado
[editar | editar a fonte]As complexidades do mecanismo de pregado das ás e o funcionamento mecánico das ás en voo (movidas por músculos do voo directos), son tan grandes que isto indica claramente que os Neoptera son unha liñaxe monofilética. O problema é que a ausencia plesiomórfica do pregamento das ás non significa necesariamente que os Palaeoptera forman un grupo natural, xa que poderían ser tamén simplemente unha ensamblaxe que contén todos estes insectos, estreitamente relacionados ou non, que "non son Neoptera", un exemplo dun taxon caixón de xastre. Se as liñaxes extintas se teñen en conta, parece probable que o concepto de Palaeoptera acabará por ser finalmente descartado ou cambiado o seu contido para reflectir de forma máis exacta a evolución dos insectos. En calquera caso, recoñécense tres grandes liñaxes de paleópteros, tratados tradicionalmente como superordes. Destes, o Palaeodictyopteroidea podería ser tamén unha ensamblaxe parafilética de varios pterigotos basais. Como isto indica, as relacións dos dous grupos de paleópteros (Ephemeroptera e Odonata) cos Neoptera non foron resoltas aínda; hai tres hipóteses principais en competencia con moitas variacións. En dúas destas (as que tratan os efemerópteros e os odonatos tan próximos aos Neoptera coma a outros "paleópteros") Paleoptera parece ser parafilético.[2]
Notas
[editar | editar a fonte]- ↑ Dragonflies Lack 'Smell Center,' but Can Still Smell
- ↑ Maddison (2002), Trueman [2008]
Véxase tamén
[editar | editar a fonte]Outros artigos
[editar | editar a fonte]Bibliografía
[editar | editar a fonte]- Maddison, David R. (2002): Tree of Life Web Project – Pterygota. Winged insects Arquivado 10 de xuño de 2017 en Wayback Machine.. Versión do 1 de xaneiro de 2002. Consultado o 15 de decembro de 2008.
- Trueman, John W.H. [2008]: Tree of Life Web Project – Pterygote Higher Relationships Arquivado 15 de xullo de 2017 en Wayback Machine.. Consultado o 15 de decembro de 2008.
- Trueman, John W.H. & Rowe, Richard J. (2008): Tree of Life Web Project – Odonata. Dragonflies and damselflies Arquivado 30 de novembro de 2019 en Wayback Machine.. Versión do 20 de marzo de 2008. Consultado o 15 de decembro de 2008.
| |||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||
