Palacio del Conde de los Andes
| Palacio del Conde de los Andes | |||||||||
|---|---|---|---|---|---|---|---|---|---|
 Xerez da Fronteira  | |||||||||
| |||||||||
| |||||||||
| |||||||||
| |||||||||
| Wikidata C:Commons | |||||||||
O Palacio do Vicerrei Laserna (tamén coñecido como Palacio do Conde dos Andes) é un palacio situado en Xerez da Fronteira, Andalucía, España. É de estilo neoclásico, aínda que presenta detalles de estilos anteriores.[1]
Historia
[editar | editar a fonte]O palacio está construído sobre cimentos de edificacións de época árabe. Tras diversas obras realizadas no inmoble, atopáronse un alicatado nazarí do século XIII e outros elementos de interese histórico. O palacio pertence á mesma familia desde a Reconquista de Jerez no século XIII.
No século XVIII levouse a cabo unha importante reforma que lle outorgou o actual aspecto neoclásico. Tamén foi neste século cando naceu no palacio José da Serna e Martínez de Hinojosa, primeiro conde dos Andes e último vicerrei do Perú. En homenaxe á súa figura, o edificio pasou a denominarse Palacio do Vicerrei Laserna. Desde entón, foi a residencia habitual dos condes dos Andes.[2]
Conservación
[editar | editar a fonte]O palacio atópase nun moi bo estado de conservación, xa que foi tradicionalmente a residencia do título nobiliario de Conde dos Andes e mantívose habitado de forma continuada.[3]
Patrimonio
[editar | editar a fonte]O palacio conta cun rico patrimonio que a familia abriu ás visitas desde abril de 2015. Segundo a Furniture History Society de Londres, alberga unha das mellores coleccións de arte de Andalucía.[4]
Edificio anejo
[editar | editar a fonte]En 1925, con motivo da Coroación Canónica da Virxe da Carmen en Jerez de la Frontera, o VI conde dos Andes, Francisco Moreno Zuleta, mandou construír un novo edificio anexo ao palacio para aloxar o goberno, que acudiu na súa totalidade ao evento. Na actualidade, este edificio está integrado no conxunto do palacio.
Curral de Comedias
[editar | editar a fonte]Nos xardíns do actual palacio existiu no século XVII un corral de comedias. A súa entrada atopábase na rúa Santa Isabel e, naquel tempo, o edificio facía esquina cunha rúa hoxe desaparecida, a rúa Comedias.[5]
Notas
[editar | editar a fonte]- ↑ "Recorrer cada una de sus estancias supone conocer la historia viva de Jerez" Diputación de Cádiz (en castelán).
- ↑ "Méndez de Vigo inaugura hoy la 'Galería del Virrey'" Diario de Jerez (en castelán).
- ↑ "Don José presenta su casa al mundo" Diario de Jerez (en castelán)
- ↑ "El Palacio del Conde de los Andes se 'presenta' al sector turístico" (en castelán).
- ↑ "Va de comedias" Diario de Jerez (en castelán).
 |
Wikimedia Commons ten máis contidos multimedia na categoría: Palacio del Conde de los Andes |
