Paco Llorente

Na Galipedia, a Wikipedia en galego.
Saltar ata a navegación Saltar á procura
Paco Llorente
Información persoal
Nome Francisco Llorente Gento
Nacemento 21 de maio de 1965
Lugar de nacemento Valladolid
Altura 1,80 m.
Posición Centrocampista
Carreira xuvenil
1982 Urbis
1983 Real Madrid
1984–1985 Móstoles
Carreira sénior
Anos Equipos Aprs (Gls)
1985–1986 Atlético Madrileño 31 (5)
1986–1987 Atlético de Madrid 29 (3)
1987–1994 Real Madrid 106 (6)
1994–1998 Compostela 72 (2)
Selección nacional
1986 España sub-21 5 (0)
1986–1987 España sub-23 3 (0)
1986–1987 España 1 (1)
Na rede
UEFA: 784 Editar o valor em Wikidata
Partidos e goles só en liga doméstica.

editar datos en Wikidata ]

Francisco Llorente Gento, nado en Valladolid o 21 de maio de 1965, máis coñecido como Paco Llorente, é un exfutbolista español.

Traxectoria[editar | editar a fonte]

Procedente dunha familia de recoñecidos deportistas, é sobriño de Paco Gento, Julio e Antonio Gento, pai de Marcos Llorente e irmán do tamén futbolista Julio, así como dos xogadores de baloncesto José Luis e Toñín. Criouse en Madrid e comezou a xogar nas categorías inferiores do Real Madrid[1] para pasar en 1982 a xogar co Urbis de Moratalaz e ao ano seguinte no CD Móstoles. Alí foi descuberto polos observadores do Atlético de Madrid, que o levaron para o filial deste, o Atlético Madrileño, entón na Segunda División. Na tempada 1985/86 xogou 30 partidos como titular co seu novo club.[2] Co Atlético de Madrid debutou en Primeira División o 6 de abril de 1986 contra a UD Las Palmas, substituíndo a Luis Mario Cabrera. A tempada 1986/87 foi a da súa consagración no Atlético de Madrid, e ao rematar a tempada fichou polo Real Madrid, converténdose no primeiro xogador que se acolleu ao Real decreto 1006 que permitía a rescisión unilateral dos contratos dos deportistas de elite.[3]

O Real Madrid vivía a época áurea da Quinta del Buitre, case intratable na Liga, e Llorente non logrou converterse en titular nunha dianteira na que Butragueño e mais Hugo Sánchez eran inamovibles. Así e todo, tivo un dos momentos máis recoñecidos da súa carreira no enfrontamento do Real Madrid na Copa de Europa 1987/88 contra o FC Porto, o vixente campión de Europa. Ao rematar a primeira parte o 1 a 0 daba a vitoria os portugueses mais Llorente saíu na segunda parte e deu dous balóns de gol a Míchel, que lle deu a volta ao marcador[4].

Nos anos seguintes, Llorente foi un dos suplentes máis valorados do cadro, e entre outros partidos salienta o que xogou como titular contra o PSV Eindhoven na volta dos cuartos de final da Copa de Campións de Europa o 15 de marzo de 1989 e na que o Real Madrid volveu eliminar un campión de Europa, aínda que non logrou o título. A saída do adestrador Leo Beenhakker e a chegada de John Benjamin Toshack supuxo o comezo do seu declive no equipo, aínda que permaneceu no conxunto ata 1994.

Logo xogou catro tempadas na SD Compostela ata a usa retirada en 1998.

Selección nacional[editar | editar a fonte]

Xogou nos anos 1986 e 1987 coas seleccións de fútbol sub 21 e sub 23. Coa selección absoluta xogou un único partido, foi un encontro de clasificación para a Eurocopa de Alemaña 1988 contra Albania, no que Llorente anotou un dos cinco goles de España.[5]

Notas[editar | editar a fonte]

  1. Domingo García "Los traspasos de los Llorente, de 50 millones de pesetas a 50 millones de euros". La Razón, 19 de xuño de 2019
  2. Paco Llorente en BD Fútbol
  3. "Real Madrid-Atlético: Los tránsfugas". Mundo Deportivo. 24 de novembro de 2011. 
  4. Alfredo Relaño (5 de novembro de 1987). "La sangre de Gento salvó al Madrid en Oporto". El País. 
  5. "España se clasificó para la fase final de la Eurocopa de fútbol". El País, 19 de novembro de 1987