Pachinko

Este artigo amosa escritos xaponeses. Sen o soporte axeitado, o texto pode mostrar símbolos sen sentido, coma caixas, marcas e outros.

O pachinko (パチンコ^?) é un sistema de xogo moi semellante ó dos pinballs. Estas máquinas combinan un sistema moderno de videoxogos co clásico pinball. Foi inventado na época na que o Xapón se atopaba sumido na segunda guerra mundial, na cidade de Nagoia.^[1] As máquinas de pachinko son típicas do Xapón, adoitan estar situadas nuns salóns de xogo chamados pachinko-parlors (パチンコ店), e son un sistema de xogo totalmente legal.^[2]

Modo de xogo

O pachinko consiste en que o xogador debe mercar unha gran cantidade de bólas de aceiro e despois insertalas na máquina. No centro da máquina hai unha especie de regulador que, ó tirar as bólas, xira facendo que estas sexan lanzadas cara a abaixo, onde a maioría cae no fondo da máquina sen proporcionar premio, e moi poucas realmente caen nunhas portas pequenas que bonifican gañando máis bolas, sendo este último o obxectivo do xogo.