Oxiurinos

Segundo algúns autores, a dos oxiurinos (Oxyurinae) é unha subfamilia de aves da orde das anseriformes e familia dos anátidos.

Características

A maioría dos seus membros son patos, algúns denominados raboalzados, que teñen as plumas da cola longas, que se erixen cando a ave está en repouso.

A excepción é Heteronetta atricapilla que se parece máis a un pato típico provisto de cola curta.

Costumes

Son todos mergulladores de auga doce, provistos de patas curtas que lles fan que sexan torpes na terra, polo que raramente deixan a auga.

Cortexo sexual

O seu cortexo sexual é raro e involucra un tamborileo emitido pola súa gorxa e bolsas inchábeis, axitando a cabeza, e erixindo as súas curtas cristas.

Taxonomía

Descrición

O grupo foi descrito polo naturalista e ornitólogo inglés William Swainson en 1831.

Os oxiurinos inclúen 4 xéneros, 3 deles monotípicos, con 8 especies viventes.

Nota taxonómica

Algúns autores non recoñecen esta subfamilia, e as súas especies clasifícanas dentro da subfamilia dos anatinos.

Xéneros, especies e distribución

Oxyura

Especie	Distribución	Imaxe
Oxyura australis	Australia
Oxyura jamaicensis	América
Raboalzado de cabeza branca	Europa
Oxyura maccoa	África
Oxyura vittata	Suramérica

Nomonyx

Especie	Distribución	Imaxe
Nomonyx dominicus	Antillas

Biziura

Especie	Distribución	Imaxe
Biziura lobata	Australia e Tasmania

Heteronetta

Especie	Distribución	Imaxe
Heteronetta atricapilla	Suramérica