Osmund Bopearachchi

Na Galipedia, a Wikipedia en galego.
Saltar ata a navegación Saltar á procura
Osmund Bopearachchi
Front page of Monnaies Greco-Bactriennes et Indo-Grecques by Osmund Bopearachchi.jpg
Portada dunha obra de Bopearachchi
Datos persoais
Nacemento4 de decembro de 1949
LugarNegambo
Flag of Sri Lanka.svg Sri Lanka
NacionalidadeFlag of Sri Lanka.svg Sri Lanka
Flag of France.svg Francia
Actividade
CampoNumismática oriental
Alma máter- Universidade de Kelaniya
- Sorbona
Director de teseJean-Marie Dentzer
Alumnos de teseLyce Jankowski
Contribucións e premios
Coñecido porEstudos de numismática indogrega e grecobactriana.
Influíu enLyce Jankowski
Premios- (1992): Gustave Mendel.
- (1992): Bhagawanlal Indrajii.
- (1997): Allier de Hauteroche.
- (2002): Drouin.
- (2006): Ordre des Palmes Académiques.
- (2017): George Perrot.
editar datos en Wikidata ]

Christie Osmund Flavian Bopearachchi, nado en Negambo, Sri Lanka, o 4 de decembro de 1949, é un numismático e historiador franco-srilankés especializado nas moedas dos reinos indogrego e grecobactriano.[1][2]

Traxectoria[editar | editar a fonte]

Orixinario de Sri Lanka, Bopearachchi licenciouse en Artes na Universidade de Kelaniya, no seu país natal, en 1978, e continuou a súa formación universitaria en Francia. Na Sorbona cursou estudos superiores de Lingua e Civilización Francesas, e de Historia da Arte e Arqueoloxía, nos que se graduou, respectivamente, en 1981 e 1982, e finalmente acadou o doutoramento en Historia da Arte e Arqueoloxía en 1987, cunha tese titulada Etude historique et numismatique du royaume indo-grec d'après la collection du Cabinet des Médailles de Paris. O ano seguinte accedeu á acreditación como profesor universitario e como director de investigacións nesa mesma universidade.[1][3]

En 1983, ingresou nun grupo de investigación do Centre national de la recherche scientifique (CNRS) na Escola Normal Superior de París.[4] En 1989 pasou a coordinar investigacións e en 1999 foi nomeado director de investigacións do CNRS, institución da que actualmente é director emérito.[1]

En 1991, Bopearachchi publicou un traballo detallado acerca das moedas indogregas e grecobactrianas, titulado Monnaies gréco-bactriennes et indo-grecques, catalogue raisonné, que basea as súas conclusións nunha análise pormenorizada das moedas e que axiña se converteu en obra de referencia no seu ámbito, merecedora de premios internacionais como o Gustave Mendel ou o Bhagawanlal Indrajii.[5]

Bopearachchi é profesor adxunto de Arte, Arqueoloxía e Numismática da Asia Central e do Sur, na Universidade de California en Berkeley, e profesor visitante emérito de doutoramento da Sorbona.[1][6]

Entre outras, é membro das seguintes sociedades numismáticas: American Numismatic Society (Nova York), Sociedade Numismática PolacaPolskie Towarzystwo Numizmatyczne (Varsovia), Hellenic Numismatic Society (Atenas), Société française de numismatique (París) e Oriental Numismatic Society (Londres).[1][6] Ademais, é membro da Académie des Inscriptions et Belles-Lettres, de París, desde 1997.[7]

Recoñecementos[editar | editar a fonte]

Entre outros de diversa índole, Osmund Bopearachchi foi recoñecido cos seguintes galardóns:[1][8]

  • (1992): Premio Gustave Mendel (Académie des inscriptions et belles-lettres, París).
  • (1992): Medalla de prata Bhagawanlal Indrajii (Indian Coin Society).
  • (1996): Medalla de prata (Hellenic Numismatic Society, Atenas).
  • (1997): Premio Allier de Hauteroche (Académie des inscriptions et belles-lettres, París).
  • (2002): Premio Drouin (Académie des inscriptions et belles-lettres, París).[9]
  • (2006): Ordre des Palmes Académiques (Goberno de Francia).
  • (2015): Medalla George Perrot (Académie des inscriptions et belles-lettres, París).[10]

Escolma de publicacións[editar | editar a fonte]

Estas son as monografías máis salientables da traxectoria académica de Osmund Bopearachchi:[11][12]

Notas[editar | editar a fonte]

  1. 1,0 1,1 1,2 1,3 1,4 1,5 "Osmund Bopearachchi: Curriculum Vitae". Academia.edu
  2. Sitio web oficial. Osmund-Boperachchi.com
  3. "Educational Qualifications". Osmund-Bopearachchi.com
  4. "Research & academic activities". www.Osmund-Bopearachchi.com
  5. Recensión do libro por C. Grandjean. En Revue numismatique. Nº 36. 1994. Société française de numismatique. Páxinas 338-339.
  6. 6,0 6,1 "Professional status". Osmund-Bopearachchi.com
  7. "Liste des membres". Académie des Inscriptions et Belles-Lettres.
  8. "Awards". Osmund-Bopearachchi.com
  9. "Palmarès 2002". Académie des Inscriptions et Belles-Lettres.
  10. "Palmarès 2015". Académie des Inscriptions et Belles-Lettres.
  11. "Publications". Osmund-Bopearachchi.com
  12. "Bopearachchi, Osmund". WorldCat.