Uthman ibn Affan
.jpg)
ʿUthmān ibn ʿAffān (árabe: عثمان بن عفان), nado en Taif en 576 e finado en Medina ou 17 de xuño de 656, é o ʿUthman por excelencia dentro da cultura árabe e islámica, tamén coñecido como Utmán, Uzmán, Otmán, Othmán ou Osman. Foi o terceiro dos chamados califas ortodoxos, a primeira serie de califas que gobernou o Imperio islámico entre a morte de Mahoma e a división que deu lugar ao califato omeia. Sucedeu ao califa Umar e gobernou entre os anos 644 e 656.
Traxectoria[editar | editar a fonte]
Familia[editar | editar a fonte]
Pertencía á tribo dos Quraysíes, era fillo de Affan ibn Abi al-'As, neto de Abu al-'As ibn Umayyah e bisneto de Abd Shams, tío bisavó de Mahoma. Polo seu irmán máis vello Abu Sufyan era tío de Muawiya ibn Abi Sufyan.
As súas relacións co profeta eran excelentes, xa que casou sucesivamente con dúas ds súas fillas, Rukayya e Umm Kulthum.[1]
Califato[editar | editar a fonte]
O califa Omar non designou sucesor, mais instaurou a shura (consello) formada por seis compañeiros do Profeta, dos que sairía o novo califa, pois estes formaban parte das dez persoas ás que o Profeta en vida lles asegurou o Paraíso. O elixido para ser o novo califa foi Uthman, que pertencía á rica familia dos Omeias.
Corán[editar | editar a fonte]
Na balanza relixiosa, fixo unha recompilación e redactou a versión oficial do Corán, que é a que persiste na actualidade, declarando a invariabilidade do texto pois era o auténtico Corán, a palabra de Deus dada ao Profeta, en 114 suras, sendo a primeira "Al Fatiha".
Morte[editar | editar a fonte]
Morreu asasinado o 17 de xuño de 656,[2][3][4] con 79 ou 80 anos, mentres ardía a súa casa.
Entre os seus inimigos atopábase Abdullah ibn Saba. A polémica ocasionada pola súa morte, desconformes coas súas decisións, foi a orixe do primeiro gran cisma do islam e a primeira guerra civil ou Primeira Fitna.
Notas[editar | editar a fonte]
- ↑ Asma Afsaruddin, Oliver (2009). "ʿUthmān ibn ʿAffān". En Esposito, John L. The Oxford Encyclopedia of the Islamic World. Oxford: Oxford University Press. (require subscrición (?)).
- ↑ Ibn Hajar al-Asqalani. Lisan Al-Mizan: *Uthman bin al-Affan.
- ↑ Universidade de Zürich Asia-Orient-Institut Arquivado 14 de xullo de 2014 en Wayback Machine.
- ↑ "Islamic Calendar". Arquivado dende o orixinal o 01 de agosto de 2009. Consultado o 15 de xullo de 2019.
| Predecesor: Omar |
Califa ortodoxo 644-656 |
Sucesor: Alí |
Véxase tamén[editar | editar a fonte]
 |
Wikimedia Commons ten máis contidos multimedia na categoría: Uthman ibn Affan  |
 |
A Galipedia ten un portal sobre: Historia |
Bibliografía[editar | editar a fonte]
- Rogerson, Barnaby (4 de novembro de 2010). The Heirs Of The Prophet Muhammad: And the Roots of the Sunni-Shia Schism. Little, Brown Book Group. ISBN 978-0-7481-2470-1.
- Rogerson, Barnaby (2008). The Heirs of Muhammad: Islam's First Century and the Origins of the Sunni-Shia Split. Overlook. ISBN 978-1-59020-022-3.
- Madelung, Wilferd (15 de outubro de 1998). The Succession to Muhammad: A Study of the Early Caliphate. Cambridge University Press. ISBN 978-0-521-64696-3.
