Oshana

Na Galipedia, a Wikipedia en galego.
Saltar ata a navegación Saltar á procura

Coordenadas: 18°10′0″S 15°45′0″L / -18.16667, -15.75000

Oshana
Oshana Region
(Rexión de Oshana)
Namibia - Oshana.svg
EstadoFlag of Namibia.svg Namibia
CapitalOshakati
 • Poboación36 541 hab. (2011)
Lingua oficialinglés
(Ademais, fálanse o afrikaans e linguas locais)
Gobernador
Clemens Kashuupulwa[1]
 • Total8 647 km²
 • % augan/d
Costas0 km
 • Total181 898 hab.
 • Densidade21 hab./km²
Xentilicion/d
Fuso horarioUTC+2
Código ISOn/d

Oshana é unha das catorce rexións de Namibia.

A súa capital é Oshakati.

Xeografía[editar | editar a fonte]

Situada no norte do país, preto da fronteira con Angola, pero se limitar con ela, é a máis pequena das rexións namibianas, ocupando unha extensión de 8 647 km2.

No ano 2017 albergaba unha poboación de 181 898 habitantes,[2] polo que nesa data a súa densidade de poboación era de 21 hab./km2.

A súa capital é a cidade de Oshakati, que no ano 2011 tiña unha poboación de 36 541 habitantes.[3] Outras cidades importantes da rexión, achegadas á capital, son Ongwediva e Ondangwa.

O complexo das cidades Oshakati-Ongwediva-Ondangwa experimentou un importante crecemento urbano nos últimos anos, e constitúe un importante foco comercial e industrial. No seu conxunto, forma a segunda maior concentración poboacional de Namibia despois de Windhoek, pero aínda carece de infraestruturas básicas e da maioría dos servizos e instalacións que normalmente se achan en zonas urbanas deste tamaño. A maioría das empresas do norte de Namibia sitúanse aquí, subministrando unha cantidade importante de emprego. Porén, a urbanización continúa dentro da rexión.

O Índice de Desenvolvemento Humano da rexión en 2017 era de 0,669.[4]

Características fisiográficas[editar | editar a fonte]

Grans de Pennisetum glaucum.

O nome Oshana describe a característica máis destacada da paisaxe da zona, as depresións superficiais e inundadas estacionalmente que fundamentan o sistema agroecolóxico local.
Aínda que as comunicacións están obstaculizadas durante a estación de chuvias, os peixes que se reproducen nos oshanas subministran á poboación unha importante fonte de proteínas.

O millo miúdo ou paínzo da especie Pennisetum glaucum é o principal cultivo de Oshana. Porén, o solo está esgotado en gran parte da zona central da rexión, e require unha fertilización substancial para manter unha produtividade razoábel.

O gando tamén se produce ben aquí, e os rabaños son extensos.

A parte sur de Oshana é unha extensa chaira que se estende até o Etosha Pan, pero a salinidade xeralmente elevada do solo e da auga fano inapropiado para o pasto ou o cultivo.

Infraestruturas[editar | editar a fonte]

A rexión está bastante máis densamente poboada ao norte, que está relacionada con Tsumeb e outras rexións por unha estrada troncal de alta calidade; isto tamén facilita o transporte de mercadorías. Porén, requírese unha mellora significativa no resto da rede viaria e noutras formas de comunicacións. Oshakati e Ondangwa teñen aeródromos que utilizan avións de tamaño medio á luz do día. O establecemento dunha torre de control pode contribuír á mellora do transporte aéreo. Hai hospitais razoabelmente bos en Oshakati e Onjiipa. Aínda que existen escolas primarias e secundarias repartidas por toda a rexión, hai poucas en relación ao número de habitante.

Segundo a Enquisa de Forzas de Traballo de Namibia do ano 2012, o desemprego na rexión de Oshana era do 24,5 %.[5] En 2013, Oshana contaba con 137 escolas cun total de 50 740 alumnos.[6]

Galería de imaxes[editar | editar a fonte]

Notas[editar | editar a fonte]

  1. "People Say I'm the Second Mugabe", New Era, 14 de abril de 2015. Consultado o 2 de agosto de 2019.
  2. "Namibia's Population by Region". Election Watch. Institute for Public Policy Research (1): 3. 2013.
  3. "Table 4.2.2 Urban population by Census years (2001 and 2011)" (PDF). Namibia 2011 - Population and Housing Census Main Report. Namibia Statistics Agency. p. 39. Consultado o 1 de agosto de 2019. 
  4. "Sub-national HDI - Area Database - Global Data Lab". hdi.globaldatalab.org (en inglés). Consultado o 1 de agosto de 2019. 
  5. Duddy, Jo Maré (11 de abril de 2013). "Unemployment rate still alarmingly high". The Namibian. Arquivado dende o orixinal o 14 de abril de 2013. Consultado o 01 de agosto de 2019. 
  6. Miyanicwe, Clemans; Kahiurika, Ndanki (27 de novembro de 2013). "School counsellors overstretched". The Namibian. p. 1.