Oscar Alende

Na Galipedia, a Wikipedia en galego.
Saltar ata a navegación Saltar á procura
Oscar Alende
Oscar Alende -circa 1973.jpg
Nacemento6 de xullo de 1909
 Maipú, Buenos Aires
Falecemento22 de decembro de 1996
 Buenos Aires
NacionalidadeArxentina
Alma máterUniversidade de Buenos Aires
Ocupaciónpolítico e cirurxián
PremiosGrand Officer of the Order of the Sun of Peru‎
editar datos en Wikidata ]

Oscar Eduardo Alende, nado en Maipú, Buenos Aires o 6 de xullo de 1909, e finado o 22 de decembro de 1996, coñecido co alcume de Bisonte,[1] foi un médico e político arxentino, pertencente á Unión Cívica Radical, Unión Cívica Radical Intransixente e Partido Intransixente, do que foi fundador.

Traxectoria[editar | editar a fonte]

Con Celestino Gelsi en 1965.

A súa infancia e estudos primarios transcorreron en Maipú (Buenos Aires), mudándose a Mar del Plata para asistir á escola secundaria.

Traballou dende os 17 anos. O seu primeiro traballo foi de escribiente na Dirección Xeral de Escolas da provincia de Buenos Aires, exercendo así dende temperá idade tarefas xornalísticas na revista de educación desa dirección.

Cursou os estudos secundarios en Mar del Plata e o tres primeiros anos de Medicina na Universidade Nacional de La Plata onde se adheriu ó movemento da Reforma Universitaria chegando a ser presidente do Centro de Estudantes de Medicina e vicepresidente da Federación Universitaria de La Plata. Trasladouse a Buenos Aires para rematar os seus estudos, converténdose en médico en 1933 na Facultade de Medicina da Universidade de Buenos Aires.

Exerceu sempre a súa profesión con gran recoñecemento, aínda durante o tempo que foi gobernador da provincia de Buenos Aires. Foi xefe de Cirurxía Gastrointestinal do Hospital Rawson da cidade de Buenos Aires, profesor da Escola Cirúrxica do Hospital Finocchietto e membro da Academia Arxentina de Cirurxía.

Faleceu en Buenos Aires o 22 de decembro de 1996.[1]

Notas[editar | editar a fonte]

  1. 1,0 1,1 "Alende, un Bisonte que supo hacerse escuchar en política". La Nación. 23 de decembro de 1996. Consultado o 6 de xullo de 2015.