Os Ventos de Comesaña
| Os Ventos de Comesaña | |||||||
|---|---|---|---|---|---|---|---|
| |||||||
| |||||||
| |||||||
| Wikidata |
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
A Asociación Folclórica Tradicional Os Ventos de Comesaña é un colectivo cultural galego dedicado á recuperación, preservación e difusión do folclore tradicional de Galicia. Ten a súa sede en Santo André de Comesaña (Vigo).
Historia
[editar | editar a fonte]O grupo naceu en 1979 como unha actividade extraescolar do colexio público Párroco Don Camilo. En 1980 constitúese oficialmente como Sociedade de Gaitas e Baile Rexional Os Ventos de Comesaña. A finais da década de 1980 comezou unha intensa actividade internacional, participando en festivais en Francia, Israel, Checoslovaquia, Italia ou Polonia. Entre 1989 e 1996 organizou o seu propio Festival Folclórico Internacional, para logo pasar a colaborar co Festival Internacional de Folclore de Vigo.
En 2004 adoptou a súa denominación actual e en 2005 celebrou o 25 aniversario cun encontro interxeracional. Durante os anos seguintes participou en festivais dentro e fóra de Galicia, e desde 2015 organiza o Festival Mesturando, un evento que busca achegar ao público a diversidade cultural de España e Portugal.
Composición e dirección
[editar | editar a fonte]Na actualidade ten máis de 35 integrantes distribuídos entre o grupo de baile, o grupo de gaitas, a escola infantil e o grupo de percusión tradicional. En 2025 o cadro de dirección artística está formado por Rogelio Filgueira (baile), José Carlos Fernández (gaita) e Noelia Pereira (percusión).