Orlando Ramón Agosti

Na Galipedia, a Wikipedia en galego.
Saltar ata a navegación Saltar á procura
Orlando Ramón Agosti
BrigGral Agosti.JPG
Nacemento22 de agosto de 1924 e 18 de decembro de 1924
 San Andrés de Giles
Falecemento7 de outubro de 1997 e 6 de outubro de 1997
 Buenos Aires
Causacancro
NacionalidadeArxentina
Educado enEscuela de Aviación Militar
Ocupaciónpolítico e militar
PremiosGrand Cross of the Order of the Sun of Peru‎
Firma Orlando Agosti.jpg
editar datos en Wikidata ]

Orlando Ramón Agosti (San Andrés de Giles, provincia de Buenos Aires, 1924 - Buenos Aires, 7 de outubro de 1997) foi un militar arxentino, membro do Proceso de Reorganización Nacional que gobernou de facto o seu país entre 1976 e 1983 tralo golpe de estado que derrocou á presidenta María Estela Martínez de Perón.

Agosti ingresou en 1947 como alférez da Escola Militar de Aviación. En 1951 tomou parte na frustrada intentona que liderou Benjamín Menéndez contra Juan Domingo Perón; entre esta e a Revolución Libertadora estivo exiliado en Montevideo. A súa carreira militar levouno, co grao de brigadier, á representación diplomática en Estados Unidos e logo na Junta Interamericana de Defensa cara a 1972.

En 1975 recibiu de mans da presidenta o nomeamento de comandante xeneral da Forza Aérea Arxentina. Só tres meses máis tarde, xunto ao tenente xeneral Jorge Rafael Videla polo Exército Arxentino e o almirante Emilio Eduardo Massera pola Armada Arxentina deron o golpe. Escurecido polos seus compañeiros na Xunta, foi o menos implicado nas accións de goberno, e en especial na represión ilegal. En 1979 o brigadier Omar Graffigna reemplazouno ao fronte da Forza Aérea.

Xulgado trala restauración da democracia, Agosti foi declarado culpable en oito casos de tortura e roubo, e sentenciado a catro anos e seis meses de prisión e destituído do seu cargo. A Corte Suprema de Xustiza, nun fallo polémico, reduciu a pena a tres anos e nove meses de prisión; entrou nela o 24 de outubro de 1984 e cumpriu a súa pena no penal de Magdalena. Procesado aínda polo delito de rebelión, non sería liberado ata maio de 1989. En 1993 solicitou xudicialmente a restitución do seu grao militar, petición que a xustiza lle denegou.

É o único militar que participou na represión ilegal que cumpriu íntegramente a pena imposta no Xuízo ás Xuntas por esa causa.

Véxase tamén[editar | editar a fonte]

Outros artigos[editar | editar a fonte]