Orange Juice foi unha banda escocesa de post-punk formada no suburbio de Bearsden en Glasgow como Nu-Sonics en 1976. Edwyn Collins fundou Nu-Sonics (nome tirado dunha marca barata de guitarras) co seu compañeiro de colexio Alan Duncan aos que posteriormente se lle uniron James Kirk e Steven Daly, que deixou un grupo chamado The Machetes. A banda converteuse en Orange Juice en 1979. Son sobre todo coñecidos polo seu éxito "Rip It Up", que acadou o número 8 na lista de sinxelos británica en febreiro de 1983, o único top 40 da banda no Reino Unido.
